By Marisol Bo-oc | 10:41 PM January 25, 2024
Lain na usab ka lalaki ang giingong gipaak ang usa ka bitin didto sa lungsod sa Calape, Bohol.
Si Luis Jusoy, 52 anyos, samtang nanghagbas sa pilapil sa Barangay Bentig kagahapon sa buntag, Jan. 25, 2024, kalit lang mingbutho ang usa ka banacon nga mupaak unta sa iyang nawng. Pero iya kini nasagang sa iyang wala nga kamot og gipaak ang iyang tudlo.
Gidali niya pislit ang pinaakan nga bahin ug gibanganan nia iyang bukton.
Si Jusoy dali nga ming-uli sa ilang balay. Ug gitambagan siya sa iyang silingan nga imnan kini og Tanduay. Iya kining gihimo pero nagpadala gihapon siya sa usa ka ospital sa Calape pero gidala dayon siya sa Gov. Celestino Gallares Medical Center sa Tagbilaran ug padayon.
Siya gi-atiman ug gi-obserbahan pa karon sa mga doctor.
Matud sa mga doctor, mudiretso gayud sa tambalan kung napaakan og bitin.
