By PR | 07:35 PM January 25, 2024
Siya gikoronahan ni Mayor Constantino Reyes ug ni Kag. Violeta D. Reyes kauban si Vice-Mayor Victor Bonghanoy.
Si Kathline Faith Siason milabni sa korona sa Matahum sa Ubay (MSU) 2024 ug gikoronahan ni Mayor Costan Reyes ug kapikas niini, Kag. Violeta D. Reyes ug gitabangan ni kanhi MSU 2019 Miss Maboloc.
Si Siason, kinsa wa magdahum nga mahimong MSU, midawat sa P50,000, sash ug plaque of appreciation gikan sa lungsod sa Ubay.
Samtang si Jennifer Curiba, nga nagrepresentar sa barangay San Pascual, mananaog isip second runner-up ug midawat sa premyong P30,000 ug korona.
Ug si Curiba ang kina-unahan nga Miss BBDN 2024 Ubay 2024 nga gipremyohan sa cash prize, sash ug bouquet ni BBDN publisher Johnny Orioque ug editor Ric Virador Obedencio atol sa coronation night nga gihimo sa Magsaysay gym, Enero 24, 2024.
Si Shekina Rizalado mao ang first runner-up ug midawat sa P40,000 nga ganti, sash corona ug plaque.
Si Siason midaog usab sa People’s Choice award diha sa facebook ug Best in Advocacy.
Si Curiba midaog usab sa Best In Production Number, Best in Production Outfit, Miss Laz Hotel uf Miss I-skin Beauty.
Si Rizalado mao ang nakakuha sa Best in Talent ug Best in Playsuit ug Best in Evening Gown.
Si Sunshine Sanchez midaog isip Miss Photogenic; Vanyh Julia Padin, Miss Congeniality; Felicity Ruth Bentulan, Best in Interview.
Si Mayor Reyes ug iyang kapikas ug Bise-Mayor Victor Bonghanoy kinasingkasing nagpasalamat sa tanang mitabang sa paglusada pag-usab sa MSU sukad niadtong 2019 ug sa mga bisita ug mga huwes, lakip si Board Member Atty. Jiselle Rae Villamor sa bangga sa kaanyag ug kalantip. (rvo)
