By Ric Obedencio | 10:35 PM July 19, 2022
Si Gobernador Aris Aumentado nagbutyag nga ang kagamhanang probinsyal magpundo sa programa sa Bol-anong Gatas Program.
Matud niya nga usa kini ka hagit sa “paghatag og pundo sa Provincial Milk Feeding program aron pagsiguro nga adunay market ang atong local fresh milk ug pagpadayon sa paaghatag sa nutrisyon sa mga kabataan.”
Kini nga pamahayag tipik sa paglusad gahapon (Hulyo 19, 2022) sa “Milk Festival” nga nagtangag sa tema: “Pag-amoma sa kabataan, Abot sa Gatas Pasidak-an” nga gihimo sa Office of the Provincial Veterinarian (OPV) nga gipangulohan ni Dr. Bing Lapiz ug gitambayayongan sa lain-laing ahensya, sama sa Philippine Carabao Center sa Ubay ug National Dairy agency.
Ang festival gitunong ning buwan sa Hulyo nga giilang “Nutrition Month.”
Sa iyang pamulong, si Aris miingon nga iyang administrasyon mobulig sa maong programa ug sa paghatag sa pundo alang sa production sa gatas nga i-agi sa OPV.
Matud sa gobernadora nga ha-um kaayo ang programa sa gatas alang sa kabataan tungod kay ang duha ka ‘processing center’ ug ang Bohol Dairy cooperative ania mahimutang sa barangay Lomangog, Ubay, Bohol.
Pinaagi niini, “matubag nato ang duha ka ‘economic driver’ sa Bohol nga mao ang agrikultura ug turismo diha sa industriya s agatas,” si gobernadora nagkanayon.
Sa gihapon nagdamgo ang gobernadora nga ang Bohol mamahimong dairy capital Visayas pinaagi sa pagpalambo sa produksyon, processing ug marketing sa gatas.
Matd ni Aris nga, gawas nga makadugang sa kita (income) sa mga nag-atiman sa mga kabaw, ang gatas maayong nutrisyon sa katawhan, labina sa kabataan.
Dili mominus sa P300 matag adlaw ang kitaon o P90,000 sa 10 ka bulan sa usa ka kabaw.
Dunay kapin sa 20,000 nga kabaw ug 25,000 nga mga baka sa Bohol nga mahimong gatasan. “Tungod kay gipanag-iya kin isa atong mga mag-uuma, daghan ang makabenepisyo niini, matud sa gobernador. (rvo)
