By Rey Anthony Chiu | 09:03 PM July 20, 2022
Ubay, Bohol- Gitugyan sa Philippine Carabao Center (PCC) pinaagi ni Deputy Executive Director ngadto sa us aka kooperatiba nga aktibong nagduso sa panggatasan sa kabaw dinhi sa Bohol, ang tabang sa kagamhanan sa pundok, alang sa us aka milk processing building.
Gisaksihan ni Gobernador Erico Aristotle Aumentado, Department of Agriculture Regional Executive Director Joel Elumba, Balilihan mayor Ma Pureza Chatto ug sa mga sakop sa Provincial Veterinarians Office ang seremonyal nga pagtugyan sa P5 milyones nga building alang sa Bohol Dairy Cooperative (BODACO).
Atul sa ila unom nga Bohol Milk Festival, nga didto himoa sa Bood Ubay, gipasabut ni PCC Deputy Executive Director Dr. Caro Salcez nga ang panggatasan sa kabaw, maoy usa sa mga bahin sa una niyang pagpabukas sa Ubay Agri Park, nga gisugdan sayo sa 2010.
Si Dr. Salces, kina maoy kanhi Center Chief sa Philippine Carabao Center sa Ubay Stock Farm, nakakuha nag kasayuran s aka maayo sa kaugmaon sa paggatas sa mga kabaw, ilabi na kon kini gikan sa gatasan nga taas ang klase sama sa cross breed o mas maayo ang hi-bred.
Kon ang native o bisaya nga gatasan, mohatag sa tag duha ngadto sa tulo ka litro nga gatas, ang rossbreeds ug hibred nga kabaw nga gatasan, kaya ang 10 ngadto sa 15 ka litros nga gatas.
Gipasalig usab sa PCC nga sila ang mopalit sa mga gatas nga makuha sa mga mag-uuma nga mosagop sa panggatasan, aron dili na maproblema sa pagproseso ug pagpasteurize niini.
Ang PCC, lakip na usab ang National Dairy Authority may gitinirnga mga Milk Processing Plants sa Bohol ug may mga kaugalingon nga nga institutional farms sa kabaw ug baka, aron may matan-aw ang mga buot mosagop sa proyekto kon unsaon kini paghimo.
Sa unang tuig pa lamang sa pagsagop sa Bohol sa panggatasan, nakuha na dayun sa lalawigan ang unang us aka libo ka litros nga gatas matag adlaw, hinuon, ang labing dako nga bahin niini, gikan sa mga institutional farms sa PCC ug sa NDA.
Apan human sa pila n aka tuig ug sa nagkadaghang misagop sa proyekto, natukod ug napalig-on ang BODACO, kang kinsang mga sakop, maoy nanguna sa pagsagop sa panggatasan.
Karon nga nagkadaghan na usab ang supply bisan pa sa naapektohan nga mga mananap sa bagyo, ang panginahanglan sa BODACO nga makaangkon og kaugalingon nga milk processing plant ug building nga mopasilong niini, nagkagrabe.
Ang abag sa PCC alang niini, daku na kayo og ikatabang sa mga sakop sa BODACO, kinsa maoy natahasan karon sa pagsupply sa gatas nga ipainum sa mga kabataan nga nagkuwang sa nutrisyon.
Ang P5M ngapasilidad sa BODACO nga hatag sa PCC, ato ipabarug sa San Pascual Ubay. (rahc/PIA-7/Bohol)
