By Rey Anthony Chiu/PIA-Bohol | 12:26 AM February 14, 2020
Bohol pa gihapon ang nanguna sa pagpahimutang sa pagpugong nga makasulod sa isla nga walay mansa sa kaso sa African Swine Fever (ASF) ang mga baktin o buhi nga baboy, karne ug mga produkto nga giproseso gikan sa karneng baboy nga nagagikan sa kinatibuk-an nga Mindanao.
Kini maoy gibutyag ni Provincial Veterinarian Stella Marie Lapiz, atul sa briefing sa mga local nga hepe ehekutibo ug opisyales sa Municipal Agriculture Office (MAO) nga gipangunahan sa Department of Agriculture uban ni Regional Executive Director Salvador Diputado didto sa Sta. Elena Hall sa Dao Diamond Hotel, Pebrero 13 sa palis.
Didto usab napakita nga samtang wala pay nga lalawigan nga mihimo og aksyon sa pagsugod sap ag-atake sa ASF sa mga nasud sa kalibutan, labing una gihapon ang Bohol nga nakapagawas sa Executive Order sa pagpugong sa pagpasulod sa mga nahisgutang nga imported karne nga mahimong apektado sa ASF o mahimong gikan sa mga nasud nga magsagubang sa suliran sa pagpa-undang sa pagpanakod sa ASF.
Dihang gikabaniog nga may mga lalawigan na sa nasud ang na-igo sa sakit nga may kapasidad nga mopu-o sa kinatibuk-ang industriya sa pangbaboyan, opisyal nga gipagawas sa Bohol ang Executive Order nga nagpugong nga usab sa pagpasulod sa mga apektadong karne gikan sa Luzon, nga naglimba-limba sa nangamatay nga mga baboy nga natakboyan sa sakit, taho ni Dr Lapiz, atul sa briefing.
Sa mi-aging duha ka semana ang miulabay, dihang gikataho nga may mibuto na usab nga mga kaso sa ASF sa Davao, labing una pa gihapon ang Bohol sa pagpagawas sa temporary nga pagdili sa pagpasulod nganhi sa karne ug buhi nga baboy, lakip na ang boar semen ug mga gam-onon sa lawog nga gikan sa mga lugar nga apektado sa sakit.
Hinuon, bisan pa sa mga gipangpaskil nga mga pahibalo sa mga karne o buhi nga gidili nga ipasulod sa Bohol, mikabat na usab sa P58,960.oo na ang kinatibuk-an nga balor sa Chicharon nga nasakmit sa pagpasulod na unta niini sa Bohol.
Bisan ang chicharon nga giluto sa kapin pa sa 7- degrees ang kainiton nga mopatay na unta sa kagaw sa karne, ang mga sudlanan nga mahimong gisakyan sa kagaw maoy hinungdan nga derecho kini sa mga basurahan ug gipangsunog sa pagsulod sa Bohol, segun sa taho sa Bureau of Quarantines ug Bureau of Animal Industry.
Mikabat na usab sa P309 mil ang kinatibuk-an nga bili sa karneng baboy, hotdog, chorizo, pinakaging nga karne, giproseso nga karne sa baboy, siomai, tina-e sa baboy, pork barbecue, pork humba, siopao, tocino, longaniza ang nasakmit sa mga buhatan nga nagtutok sa biosecurity sa mga pantalan.
