Personal nga giduaw ni Presidente Rodrigo Duterte ug mipaabot sa iyang pahasubo sa pamilya ni Cebu Provincial Board Member-elect Andre Duterte.
Siya miduaw niadtong Martes sa gabii, Hunyo 11 sa panimay niini sa dakbayan sa Danao, lalawigan sa Sugbo.
Kauban sa Presidente sa iyang pagduaw ang iyang kanhi Special Assistant to the President (SAP) ug karon Senator-elect Bong Go ug si Presidential Assistant for the Visayas Secretary Michael Dino.
Base sa iyang post sa iyang Official Facebook Page nga “Bong Go”, gipakita niini ang mga hulagway sa ilang pagduaw.
Matod ni Go, ang ilang pagbisita pagpakita sa ilang pahasubo ug pag-ila kang Eleanore Duterte nga usa ka “ulirang ina” kang Andre.
“Nakikiramay din ang dalawa at ang buong bansa sa pagpanaw ng isang ulirang ina tulad ni Eleanore na nagturo sa kanyang anak na si Andre na magserbisyo nang may malasakit at puso sa kapwa Pilipino tulad ni Tatay Digong at Kuya Bong,” sigon pa sa post ni Go.
Wala mapugngi ang pagdagsa usab sa mga taga-Danao nga misud-ong sa pag-abot sa Presidente.
Kahinumduman nga ang amahan ni Presidente Duterte nahimong kanhi mayor sa dakbayan sa Danao. //
