By PIA-Bohol | 10:48 AM Marcg 15, 2026
TAGBILARAN CITY, Bohol —Gideklarar sa Malacañang nga regular holiday ang Marso 20, 2026 sa tibuok nasud isip pag-obserbar sa Eid’l Fitr, o ang Pista nga nagtimaan sa pagtapos sa Ramadan.
Sa Proclamation No. 1189, ang Palasyo miingon nga ang deklarasyon nagtumong sa pagdala sa relihiyoso ug kultural nga kahulogan sa Eid’l Fitr ngadto sa unahan sa nasudnong kahimatngon, ug aron tugotan ang tibuok nasud nga Pilipino nga makig-uban sa ilang mga kaigsoonang Muslim sa kalinaw ug panag-uyon sa pagsaulog sa Eid’l Fitr.
Ang deklarasyon nunot sa rekomendasyon sa National Commission on Muslim Filipinos (NCMF), nga una nang nagsugyot sa Marso 20 (Biyernes) o Marso 21 (Sabado) isip posibleng petsa sa holiday, ubos sa pagtan-aw sa bulan.
Ang Proclamation No. 1189 gilagdaan ni Acting Executive Secretary Ralph Recto niadtong Marso 12.
Ang Palasyo mipaabot usab sa ilang pagtimbaya sa mga Muslim nga komunidad sa Pilipinas ug sa tibuok kalibutan samtang nangandam sila sa pagsaulog sa importanteng relihiyoso nga okasyon uban sa ilang mga pamilya.
Ang Eid’l Fitr maoy usa sa duha ka dagkong pangilin sa Islam ug giobserbahan sa mga Muslim sa tibuok kalibotan human sa pagkompleto sa Ramadan, ang ika-siyam nga bulan sa Islamic lunar calendar. (ECB/PIA7-Bohol)
Ang deklarasyon sa Marso 20 isip regular holiday sa tibuok nasud nag-ila sa kamahinungdanon sa Eid’l Fitr, nga nagtimaan sa pagtapos sa balaang bulan sa Ramadan, usa ka yugto nga gigahin sa pag-ampo, pagpamalandong, ug pagpuasa. (PCO/PIA)
