By PIA-Bohol | 10:19 PM March 24, 2025
Nahasubay sa kinahanglang hatagag prayoridad sa Panglao ang pagpahimutang sa Sewage ug Water Treatment Facility (SWTF) alang sa mga resorts sa Alona, aron ugmaron ang water quality sa nahisgutan nga mga kadagatan nga gikaliguan sa mga turista.
Kini ang gikalipay sa Department of Environment and Natural Resources ug sa Environmental Management Bureau niini nga nagtutok sa Panglao Island Coastal Water Water Quality Monitoring Area (PICW-WQMA).
Kini kay, usa ka adlaw sa dili pa ang World Water Day, gipahatag sa mga kandidato og mayor sa Panglao ilang mga baruganan, ilabi na sa pagpaneguro nga motunhay ang limpyo ug malungtaron nga mga kadagatan palibot sa isla.
Ang SWTF usa ka imprastraktura nga mohigop sa mga nilabay nga mga tubig gikan sa mga hotels, resorts ug restaurants sa lugar aron dalhon sa usa ka dapit diin limyohan ang hugaw nga tubig pinaagi sa pagpasubay sa nag-ang-ang nga proseso.
Ang nalimpyo nga nga nilabay nga tubig, mahimong magamit na usab og balik alang sa pangbubo sa mga kasilyas ug pangbisbis sa mga tanum.
Kasagaran sa mga resorts sa Panglao, nagtinir man og kaugalingon nga mga septic tanks apan may mga awas niini nga dili mapugngan nga adto mopaingon sa dagat.
Ang inawas nga tubig nga hugaw, mao na usab ang mopahugaw sa kadagatan. (PIABohol)
