By PR | 11:34 PM February 20, 2023
Mingbisita kang Gov. Aris Aumentado ang mga kadagkuan sa Aboitiz Equity Ventures karung adlawng Lunes, Feb. 20.
Mismo si Rafael Aboitiz sa Aboitiz Equity Ventures Inc. uban ni Vincent P. Tan, vice president sa Corporate External Relations ug ni Anthony Noel ang mingbisita ni Aumentado didto sa Kapitolyo.
Matud ni Aumentado andam na ang Aboitiz nga mupuli sa pagdumala sa Bohol-Panglao International Airport pipila ka bulan gikan karon.
Adunay Memorandum of Agreement tali sa Civil Aviation Authority of the Philippines (CAAP) ug sa Aboitiz nga dako og ikatabang ang maong venture ngadto sa katawhang Bol-anon.
“Nalipay ako sa mga kalamboan sa ilang pagsulod sa atong probinsya kay kini maghatag og dugang oportunidad sa trabaho ug pag-uswag sa atong ekonomiya,” matud ni Aumentado.
Kauban ni Aumentado sa pag-abi abi sa taga-Aboitiz mao sila si 2nd district Rep. Vanessa Aumentado ug provincial administrator Asteria Caberte.
