By PR | 11:05 PM February 20, 2023
Si Gobernador Aris Aumentado mitambong sa gipahigayon nga Fertilizer Discount Voucher launching and distribution karung adlawa, Pebrero 20, sa Carmen Cultural Center sa lungsod sa Carmen.
Ang maong Fertilizer Discount Voucher mapahimuslan sa 36, 426 ka mga rice farmer beneficiaries (FB), diin ang maong programa nagkantidad og P 92, 219,287.00.
Alang kini sa 45 ka mga munisipalidad, kinatibuk-ang luna 13, 972 ka ektarya nga basakan ug gawas niini ang Tagbilaran City, Panglao, ug Dauis.
Si Mayor Conchita “Che” Toribio-Delos Reyes miabi-abi sa gobernador ug sa ubang mga bisita.
Ang Municipal Agriculturist sa Carmen nga si Arlene Cabusao nagkanayon nga ang mga FBs pagahatagan og Fertilizer Discount Voucher.
Ang mga mag-uuma nga rehistrado sa Registry System of Basic Sectors in Agriculture (RSBSA) mao ang mga benepisyaro sa maong programa. Ang mag-uuma nga adunay usa ka ektarya nga basakan makadawat sa sinako nga Urea kantidad ug P6,600.00. Sa matag ektaryang basakan nga adunay abono 4.2 tonelada ang target yield. Ang mga mag-uuma nga wala muabot og usa ka ektarya ang ilang basakan basta rehistrado sa RSBSA makadawat gihapon sa maong abono.
Aduna 45 ka mga munisipalidad nga adunay mga FBs nga RSBSA registered ang direkta nga matabangan niini.
Gidasig ni Aumentado ang mga mag-uuma nga magtinabangay aron magmalampuson ang maong programa nga gipahigayon sa Department of Agriculture ug sa provincial government.
