By Rey Anthony Chiu | 01:21 PM August 04, 2022

Agi og pagtampo sa ika 500 ka tuig nga kasaulogan sa pag-abut sa Kristyanismo dinhi sa nasud, tanyag sa Diyosesis sa Talibon ug Tagbilaran and usa ka dula sa entablado nga nagsaysay sa kinabuhi sa duha ka pariโ€™ng Agustinian Recollets didto sa simbahan sa Carmen, karong Sabado, Agosto 6.

Ang dula nga Paingon sa Pagkasantos, nagsaysay sa kinabuhi sa duha ka martires nga pari nga misyonero nga Espanyol nga gipadala sa Pilipinas niadtong hinapos nga mga katuigan sa siglo 1800.

Nadestino sa Bohol, sila si Padre Jose Rada ug Leon Inchausti (Ynchausti) nga nakagiya sa mga parokyano sa Dimiao, Loay, Bilar, Pilar nga kaniadto sakop pa sa Sierra Bullones, Candijay, Loon ug Ubay, gipanalanginan na ni Santo Papa Juan Paulo II, isip mga beato.

Giila nga mga Martires sa Motril sa Granada Espanya, sila beato Rada ug Inchausti kauban sa 6 pa ka Agustino nga Rekoleto nga misyonero nga mibarug sa paglaban sa pagtuo ug pagpakighiusa sa katawhan atul sa Gubat Sibil sa Espanya.

Gituohang nangamatay sa Julyo 25 nagdto sa Agusto 15, 1936, sila beato Rada ug Inchausti kauban nila ni beato Vicente Soler, Deogracias Palacios, Vicente Pinilla, Julian Moreno, Jose Ricardo Diez, ug usa pa ka paring nga diyosesano nga giila nga si beato Manuel Martin Sierra, giila nga mga yano nga mga pari apan mihalad sa ilang kaugalingon sa pagpanalipod sa pagtuo ug pagpakighiusa sa komunidad.

Nahitabo nga dihang nagmadaulog na ang katawhan sa Guera Sibil, gidid-an na ang pagsimba, ug gipangsulong ang mga monastery aron pamatyon ang mga pari nga gituohang maoy nagpalig-on sa kaaway sa Estado.

Human sa pila ka adlaw nga pagtago aron dili madakpan, giniyahan sa pagtuo, nanguli ang mga misyonero nga pari sa ilang monastery, diin didto sila gidakop ug gitusaktusak ang lawas sa bala.

Sa saysay sa dula sa entablado nga adto mismo himoon sulod sa simbahan sa Carmen, diin sa us aka higayon nibarug ang mga beato, gihimo nga awit sa dula ang obra ni Fr. Arnold Zamora nga Kinabuhi Mo, Kinabuhi Ko.

Si Fr Zamora, usa ka Bol-anonnga composer ug arranger kang kinsa nga linya sa kanta maoy dugukan usab sa kinabuhi sa duh aka martires nga nakaanhi dinhi.

Sa pagka beato, ang usa ka tawo ilhon na nga balaan sa usa ka lugar apan mahimo na siya nga ilhon nga santos sa seremonyas sa canonization.

Dinhi, bisag us aka milagro nga ikapahin sa pagpanabang sa beato, mao nay makapahimo sa simbahan nga ideklara siya nga santos.

Us aka Milagros na lang nga ikapilit sa pagpanalipod o pagtabang nila ni beato Jose ug leon, mahimo na silang santos, rason nga ang dula gihinganlan niini.

Dula nga gipangunahanan nila ni Jerome Sala ang sikat nga Bol-anong mang-aawit ug pari nga si Fr. Naz Tiempo, ug sa lungsod sa Carmen, ang cast apila sa mga local nga katawhan nga nabansay ubos sa programang Kasing Sining nila ni Creative Director Gardy Labad.

Alang sa mga buot mosaksi sa nahisgutang dula, mahitabo ang unang pasundayag sa alas 3 sa palis ug ang ikaduhang pasundayag sa alas 7:00 sa gabii. (rahc/PIA-7Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.