By Rey Anthony Chiu | 01:25 PM August 04, 2022

Tungod sa ilang maayong record isip sakop sa Ramon Aboitiz Foundation Incorporated (RAFI) microfinance division, ug agi og pag-abag aron sila makabangon sa pagkalup-og dalas a bagyo ug sa pandemya, gitunolan ang lima ka mga Bol-anon sa livelihood kits nga luwan sa Project Bacon niini.

Segun pa sa banabana, mokapin sa P150 mil ang nadawat sa mga Bol-anon nga midawat sa gilumpong nga pakete sa kapanginabuhian nga naglakip sa 2 ka anayon, sinako nga lawog sa babaoy gikan sa Pilmico, mga antibiotics, mga pangpurga ug saad nga permihan og subay sa technician aron makatabang sa pag-alima sa baboy.

Gitawag og Project Bacon, kini nga proyekto naghimo usab nga mas sayun sa mga hilit nga lugar ang pag-akses sa karne sa babaoy, kay naa na man ang maihaw sa silinganan, dayag sa RAFI.

Human sa unom ka buwan, mahimo na nga papanganakon ang mga anayon, ug 18 sa mga baktin niini, obligado nga ihatag og balik sa RAFI aron ikapang-apod-apod na usab, pasabut ni Nicomedes Niñolas, RAFI microfinance district head alang sa Bohol.

Kon makahatag na sa 18 ka baktin, maangkon na sa nahatagan ang duha ka anay, dugang niya.

Ang mga benepisaryo sa RAFI livelihood kits mao sila Elizabeth Cornelio sa Bagtic Catigbian, Merielyn Madilat sa Ile, Dimiao, Valeria Celades sa Abucay Sur Sikatuna, Arcelisa Bersales sa Union Ubay ug Mersalie Cuasito nga taga Camias Calape.

Didto sa pagtugyan sa livelihood kits didto sa Calape Multi-purpose gym sa imaging semana, si RAFI Client Enterprise Development ug business incubator and accelerations services officer Dominic Censio mipasabut nga ang kalihukan subay sa panglantaw sa RAFI nga maghikap sa katawhan ug mag-umol sa kaugmaon.

Dugang niya, ang mga anayon, gipasaligan sa Pilmico nga maayo og liwat, ug nagkantidad og mga P50 ngadto sa 75K ang usa, ig giseguro nga kining mga anayan, makahatag gayud sa gilantaw nga 18 ka baktin sulod sa duh aka tuig nga pag-alima.

Ang livelihood kits, kabahin sa non-financial nga tabang sa RAFI alang sa mga micro entrepreneurs, ang pagpagawas sa kits maoy pamaagi sa RAFI aron makatabang sa mga benepisaryo nga una na nga nahibaw-an nga may kapasidad sa pag-alima ug pag-atiman sa mga anayon.

Tugbang sa livelihood kit, ang benepisaryo maoy magtukod sa kamalig kapasilungan sa baboy, dugang pa usab ni Niñolas.

Sa asoy ni Mersalie Cuasito, us aka banapisaryo, nanghuwam siya og dugang puhunan sa iyang gamay nga gegosyo gikans a RAFI.

Ang huwam, nga bayaran unta sulod sa 6 ka buwan, nainat pa og laing duh aka buwan kay nakasabut usab ang RAFI sa kalisud sa pagbayad, tungod sa epekto sa bagyo nga Odette sa katawhan.

Kasagaran sa mga livelihood projects nga atong gihatag sa Visayas, agi og tabang sa pagbarug balik ug pagpalig-on sa ekonomiya nga naangin sa pandemya ug sa mga katalagman. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.