By Rey Anthony Chiu | 10:15 AM November 04, 2021

Usa ka nagsuroy nga museum exhibition ang gibuksan sa National Museum of the Philippines (NMP) dinhi sa Bohol karong adlawa, Nov. 4.

Ang nagsuroy nga exhibition magpakita sa mga Bol-anon sa tema nga, “Conserving the Natural History of the Visayas Region”.

Ang temporaryo nga exhibition nahimong makasuroy tungod sa paningkamot sa Mobile Museum Boxes Project, usa ka tinambayayongan nga proyekto sa NMP, Forest Foundation Philippines ug sa Western Visayas Association of Museums.

Unsang pagkahitabo-a nga nagsuroy man?

Ang proyekto migamit sa mga kahon diin didto na gipahiluna ang mga exhibition kits.

Pinaagi niini, mas dali g mas sayon ang pagmontar sa sa nagkadaiyang lugar sa gawas sa tinuod nga gitukod nga museo.

Matud sa NMP, sa mga kahon didto Makita ang nagkadaiyang koleksyon sa mhga specimen ug mga artifacts nga may namontar na nga mga panudlo nga kasayuran aron makahatag og bag-ong kahibaw sa mga mosuroy ngadto.

Ang Mobile Museum Boxes Project nagtumong sa pagpalapad sa kab-ot sa mga museo, pinaagi sa pagdala na sa mga koleksyon ug paghimog mga exhibitons sa bisan asa mang lugar aron makapalapad sa kasayuran sa katawhan.

Ang exhibition sa Bohol naglangkob sa 12 ka mga kahon nga nagpakita sa 5 ka kategorya: mga tanum sa yuta, mga mananap sa yuta, mga kinabuhi sa tubig, mga produkto gikan sa lasang u gang pagkahulma sa kalibutan.

Ang Mobile Museum Boxes exhibition makit-an sa Gallery 5, sa ika duhang andana sa National Museum Bohol (ang kanhi Bohol Provincial Capitol Building).

Ang exhibition magbukas karong adlawa, dungan usab sa kasaulogan sa ika 215 nga adlaw nga natawhan ni Presidente Carlos P. Garcia.

Ang exhibition molanat pa ngadto sa Dec. 31, 2021 sa dili pa kini motabok ngadto sa Iloilo sa Enero sa sunod tuig.

Gawas niining exhibition, ang #NationalMuseumBohol may mga nagpadayon pa usab nga exhibitions, ilabi na sa Natural History sa Bohol Gallery Exhibition nga nagpakita sa talagsaon nga kahimtang sa geology, tanum og mananap sa Bohol.

Nagpadayon pa usab ang Pagbanhaw Gallery Exhibition nga nagapakita sa sugilanon sa Kristyanismo sa Bohol, ang mga gipangtukod nga kapanulundan, ang pagkaguba niini sa linog sa 2013 ug pagpahiuli, pagtukod og balik ug pag-amping niini nga mga kapanulondan.

Makit-an usab didto ang mga importanteng kabnilin sa Bohol nga gitipigan sa National Museum of the Philippines.

Ang National Museum Bohol bukas sa katawhan sa mga adlaw nga Martes ngadto sa Domingo sa alas 9:00 a.m. ngadto sa alas 12:00 sa udto unya sa ala 1:00 ngadto sa alas 4:00 sa palis.

Alang sa dugang kasayuran, subaya ang National Museum Bohol facebook page o tawag sa 09190779851 o (038) 501-9166. (rahc/PIA_7/Bohol/AthenaBitor)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.