By Rey Anthony Chiu | 12:29 AM November 04, 2021

Pangunahan sa usa na opisyal sa Department of Environment and Natural Resources (DENR) ang paglusad dinhi sa Bohol sa “Trees in the City,” usa ka programa nga gisagop sa ahensya aron ipasulbong ag kamahinungdanon sa kakahoyan ug sa pag-amoma sa mga syudad aron mahimo kining mas hamogaway puy-an.

Mismo si DENR Undersecretary Edilberto LC Leonardo ang manguna sa paglusad, inabangan nia ni PENRO Ariel Rica ug nga local nga opisyales sama ni Gob Arthur Yap ugt City Mayor John Geesnell Yap.

Taliwala sa nag-usbong nga mga buildings ug mga kaugmaran nga nagdagway og mga patindog nga imprastraktura, kasagaran nga gisakripisyo ang mga kakahoyan nga gikinahanglang putlon aron mas dali ang pagtapos ug walay sagabal ang trabaho.

Apan, segun pa sa mga tinubdan sa kalikopan, ang mga kahoy mahinungdanon kaayo kay sila ang epektibo nga salaam sa hangin aron dili masimhot sa katawhan ang mga makahilo nga pollutants nga gibuga sa mga makina nga nagpalihok usab sa syudad.

Gawas sa pagsala sa hangin, ang kakahoyan magtigum usab sa mga carbon nga ibuga sa mga planta ug industriya aron dili kini maoy makadaut sa sagang sa kalibutan batok sa sobra nga init sa adlaw ug kapugngan niini ang pagpas[as sa epekto sa climate change.

Dungan sa pagtuyhakaw usab sa pagpakabana, ang programa maoy gihimo sa DENR aron ipahinumdom ang importansya sa kakahoyan, ilabi na taliwa sa pagbuliskad sa populasyon ug sa nag-ong-ong nga mga epekto sa climate change.

Gawas sa tataw nga kamatuoran nga ang mga kahoy ug mga tanum maoy naghatag og pagkaon ug nindot nga talan-awon, ang kahoy magpahinay sa kinatibuk-ang kaiinit sa studad kon kini may mga kakahoyan nga gitanum.

Ang kakahuyan nga gitanum kini sa mga kadalanan magpakunhod sa polusyon sa hangin ug saba samtang naghatag pag dugang mga kaayohan sala sa pagpugong sa pagkahunlak sa yuuta.

Ang mga tanum nga gipatubo ibabaw sa mga buildings, magtabang sa pagpugong nga makalapus ang init sa adlaw nga makatabang sa mas bugnaw nga sulod sa mga buildings nga makapadaginot sa korente.

Dala niini, ilusad pinangulohan ni DENR undersecretary Edilberto LC Leonardo ang Trees in the City karong Nobyembre 4, ala 1:00 sa palis didto sa Buhatan sa Provincial Environment and Natural Resources Officer sa Upper dela Paz Cortes.

Didto usab ipasabut sa ahensya ang kamahinungdanon sa maong programa, ug kini pinaagi ni OIC CENRO Tagbilaran Officer Forester Elena Suarez.

Giawhag usab ang mga sakop sa media sa pagtambong sa nahisgutang kalihukan. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.