By Rey Anthony Chiu | 12:27 PM September 21, 2021

Gidili na ang pagsira sa mga buhatan sa kagamhanan sa rason nga nmay daghan nga nagpositibo sa coronavirus disease, o maghimo og disinfection, kon kini walay pagtugot gikan sa Buhatan sa Presidente.

Sa Memorandum Circular No. 85 nga gipagawas sa Malakanyang niadtong Marso 19, 2021, gibutang didto ang palisiya sa tempraryo nga pagpanira sa mga buhatan, nga sarang nahitabo niadtong bag-o lang nagsugod ang pandemya.

Segun sa nahisgutan nga Memorandum, bisan sa rason nga pagdagsang sa mga sakit sa mga kawani sa nahisgutang buhatan nga naglaraw nga temporaryong manira, gikinahanglan pa ang pangulo sa ahensya nga mananghit o mokuha og clearance gikan sa Buhatan sa Presidente, lakip na ang kinatibuk-ang lanat sa higayon nga manira ug kini kinahanglang suportahan sa mga datus ug kasayuran.

Wala pagpanira sa mga buhatan nga mahitabo, hangtud nga makakuha sa clearance goiikan sa Buhatan sa Presidente, dason sa memorandum.

Nunot usab niini, gibutyag ni Civil Service Commission provincial Director sa Bohol Alice May Parcon didto sa Kapihan sa PIA nga sa mga sitwasyon nga gikinahanglang maghimo sa pagpamatay kagaw sa buhatan, dili na mahimo nga kini rason nga maundang ang serbisyo sa kagamhanan.

Matud sa Provincial Director sa CSC Bohol Field Office nga kinahanglang ang disinfection himoon na sa mga oras nga gawas na sa oras tingtrabaho.

Mahimo sa sayong buntag, pila ka oras sa dili pa opisyal nga magbukas ang trabaho, o sa hapon human sa oras tingtrabaho, saysay ni PD Parcon.

Sa nasampit nga memorandum sa itaas, matud pa, ang si bisan kinsa nga buhatan sa kagamhanan nga makalapas, lakip na ang pagbutang-butang og sayop nga data aron pagsuporta sa hangyo nga temporaryo nga manira, nagpahimutang sa pangulo sa ahensya sa kaso nga administratibo.

Tuyo sa Presidente nga inay temporaryo nga manira, kubsan lamang ang operational capacity sa mga buhatan kon dili gyud kapugngan.

Ang operational capacity nagpasabut sa kadaghanon sa mga trabahante nga pisikal nga anaa sa buhatan aron padaganon ang serbisyo.

Minimum sa 30 porysento ngadto sa 50 porsyento lamang ang gikinahanglan aron dili mabalda ang serbisyo sa katawhan, segun pa sa memorandum.
Hinuon, walay labut niini kadtong mga ahensya nga nagtanyag sa serbisyong panglawas ug medical nga serbisyo, kadtong nagbantay sa mga utlanan ug uban pang serbisyo nga kritikal sa pagpkigbatok sa Covid.

Niini nga sitwasyona, matud ni PD Parcon, magamit sa buhatan ang alternative working arrangements (AWA) nga gilagda sa serbisyo sibil.

Matud ni PD Parcon, pwede mosagop sa AWA sama sa work from home, pagbutang sa skeletal workforce, pagsagop sa 4-day workweek nga katumbas sa 40 oras matag semana, shifting o flexible working arrangements ug uban pang kasabutan subay sa lagda sa CSC. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.