By Rey Anthony Chiu | 10:09 AM December 02, 2021

Upat ka kalungsuran u gang syudad sa Tagbilaran ang mingkab-ot sa sobra sa 100% nga accomplishment sa pagpamakuna sa ilang target nga bakunahan sa unang adlaw sa National Vaccination Day, Novmber 29.

Segun sa taho sa Bohol Inter Agency Task Force on the Management of Emerging Infectious Diseases, sa ilang gipagawas nga update niadtong Nobyembre 30, sa alas 7:00 sa buntag, ang kalungsuran sa Alburquerque, Baclayon Dimiao, Duero, Sikatuna ug Tagbilaran parehas nga mingpatupok sa hiniusang average nga 157.6%.

Ang sa Tagbilaran City, sa ilang target nga 1,619 ka mga tawo nga bakunahan, milapas pa sa us aka gatud ka pilo dihang pagkatak-op sa unang adlaw sa pamakuna, 3,805 na ang ilang naserbisyohan.

Ang Tagbilaran aduna lamay 4,856 ka tawo nga bakunahan sa tulo ka adlaw nga NVD.

Kini nagpasabut nga usa ka libo na lang ang kinahanglang tupokan sa syudad aron makompleto na ang tuilo ka adlaw nga target niini.

Sa unang adlaw pa lamang, mikab-ot na man ang Tagbilaran sa 78% sa ilang tulo ka adlaw nga target.

Sa laing bahin ang Duero, may gitakda nga 721 ka tawo nga tupokan sa unang adlaw. Pagtapos sa operasyon sa unang adlaw sa NVD, 1,143 na ang ilang nabakunahan.

Mikabat sa 2162 ang kinatibuk-ang target sa Duer sa tulo ka adlaw.

Ang Sikatuna nga may 692 nga target sa tulo ka adlaw, mikuha sa 285 sa 231 lamang nila nga target.

Miabut na sa lamang sa 407 ang gikinahanglang abton sa Sikatuna aron mahuman sa ilang tulo ka adlaw nga target.

Sa Baclayon nga nagtumong sa 867 ka mga residente nga hamtong ug kabataan gikan sa 12 antos pataas, mikab-ot sila sa 1010 ka tawo human sa unang adlaw sa pamakuna.

Mikabat sa 2601 ang kinatibuk-ang target sa Baclayon sa tulo ka adlaw nga pamakuna.

Samtang ang Dimiao, sa 547 nga target sa unang adlaw, nakaya ra sa ilang vaccination teams ang pagpamakuna sa 618 ka mga tawo.

1,641 ang kinatibuk-ang target sa Dimiao sa tulo ka adlaw nga NVD.

Ang Alburquerque mat target nga 434, apan mikab-ot sila sa 439 ka mga nabakunahan sa unang adlaw sa NVD.

1301 lamang hinuon ang target sa Alburquerque sa sa tulo ka adlaw nga pamakuna. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.