By Rey Anthony Chiu, PIA-Bohol | 05:49 PM June 07, 2021

Southern Star Bus Transport Incorporated. Contributed Photo

Mitanyag og libre nga sakay ang Southern Star Bus Transport Incorporated dinhi sa Bohol apan kini alang lamang sa mga health care workers nga nakadestino sa pipila ka mga ospital ug sa mga Authorized Persons Outside Residence (APOR) nga kinahanglang mo-adto sa trabaho-an.

Ang “Libreng Sakay alang sa Healthcare workers ug APOR nga nag-alagad sa pagtubag sa health crisis nga dala sa coronavirus disease (COVID) sa Bohol, alang lamang usab sa Southern Star Yutong bus nga may body number 12175 (alang sa ruta nga pa Norte) ug sa Bus body number number 12182 (alang sa ruta nga pa-este).

Segun pa sa SSBTI, ang mga naka-assign nga drivers ug ilang mga contact numbers aron masayud ang mga makisakay paingon sa norte mao si Mateo Yana (0975 037 9556) ug Loreto Tumarao (0960 929 7265) ug sa ruta nga paingon sa este nga si Ernesto Quisto (0935 831 1385) ug Wilson Longjas ( 0926 053 7205)

Ang mga byahe nga magsugod sa alas 5:00 sa sayo nga buntag libre nga makapasakay sa Tagbilaran paingon sa destino sa Ubay via Jagna (rota nga pa este) diin libre nga makasakay kadtong health workers ug APOR nga nakadestino sa Gov. Celestino Gallares Memorial Hospital (GCGMH); DIMIAO Municipal Infirmary; Teodoro Galagar District Hospital, Jagna; Candijay Community Hospital; ug sa Don Emilio Del Valle Memorial Hospital.

Sa laing bahin, sa pikas nga ruta subay sa Tagbilaran ngadto sa Talibon via Tubigon (ruta nga pa norte), makasakay nga libre ang mga healthworkers nga nagtrabaho sa Gov. Celestino Gallares Memorial Hospital (GCGMH); Maribojoc Community Hospital; Cong. Natalio Memorial Hospital, Loon;
Calape Mother & Child Hospital; Clarin Community Hospital; Francisco Dagohoy Municipal Hospital, Inabanga; ug sa Cong. Maximino Garcia Provincial Hospital, sa Talibon.

Segun pa sa SSBTI, ang libreng sakay ngasugod na niadtong Hunyo 5 sa matag adlaw sugod alas 5:00 ngadto sa alas 9:00 sa gabii. (rahchiu/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.