By PIA-Bohol | 04:49 PM October 26, 2026
TAGBILARAN CITY, Bohol—Gisuspinde sa Bureau of Internal Revenue (BIR) adlaw’ng Lunes ang mandatory nga pagpakita sa registration seal badge diha sa mgawebsite, mga business page sa social media, ug uban pang digital nga plataporma, hangtod sa sunod nga pahibalo.
Ang Revenue Memorandum Circular No. 113-2026, nga gilagdaan ni BIR Commissioner Charlito Martin Mendoza, nag-ingon nga gihimo kini aron masiguro anghapsay nga pagpatuman sa mga inisyatibo sa buhatan alang sa pag-verify sa mgarehistro.
Matud pa sa pahibalo sa BIR, ang mga magbubuhis nga nakakuha na sa ilang BIR Registration Seal Badges mahimong magpadayon sa pagpakita niini diha sa ilang mgaonline nga plataporma, kung gusto nila.
Gidugang usab sa ahensya nga walay ipahamtang nga mga silot tungod lamang sakapakyas sa pagpakita sa registration seal badge atol sa panahon sa suspensyon.
Ang BIR nagpagawas kaniadto og Revenue Memorandum Circular (RMC) No. 038-2026, nga nagmando sa mga magbubuhis nga nagpahigayon og negosyo online ngaibutang ang selyo nga gikan sa BIR diha sa ilang mga website, e-commerce page, o mga account sa social media nga gigamit alang sa negosyo, isip pamatuod sa ilangpagparehistro.
Naglakip kini sa nagkalain-laing matang sa mga partisipante sa digital nga ekonomiya, sama sa mga namaligya online, mga freelancer, mga propesyonal, mga vlogger, mgainfluencer, ug uban pa nga nikita pinaagi sa mga digital nga plataporma.
Matud pa sa BIR nga ang maong registration seal badge gidesinyo aron mapanalipdanang pribasiya ug personal nga impormasyon sa mga namaligya online, mga tighatag ogserbisyo, ug mga tigmugna og content.
Mahimong i-scan sa mga kliyente ug kustomer ang maong badge aron mapamatud-an ang pagparehistro sa BIR sa maong mga partisipante sa digital nga ekonomiya.(ECB/PIA7-Bohol)
