By PR | 08:40 PM July 07, 2026
TAGBILARAN CITY, Bohol—Gikan sa 69 ka kaso, nikunhod na ang mga insidente sa gikataho nga kaso sa pagpanglugos ngadto sa 43, apan, angayan makit-an sa mga hingtungdan ang taas pa gihapon nga kaso sa statutory rape.
Kini maoy napagawas didto sa labing bag-o nga tigum sa Provincial Peace and Order Council (PPOC) sa imaging semana didto sa Sangguniang Panlalawigan Session Hall.
Kay didto, bisan kon angay saulogon ang pagkunhod sa mga kaso, maka-alarma pa gihapon ang kaso sa lugos nga may kalambigitan sa pugos, pagbahad ug pagpanghadlok, sa 27 ka insidente gikan sa 35 niadtong 2025.
Sa laing bahin, sa kaso sa statutory rape, o pagpanglugos nga naglambigit sa bata nga menor de edad, gikan sa 28 ka kaso sa imaging tuig, 11 na ka kaso ang nataho sa mga police blotters sa kapolisan sa tibuok Bohol.
Ang pag-ihap sa mga kaso gibase sa mga nagpanghitabo niadtong Enero ngadto sa Hulyo 15, 2025 ug gitandi sa nataho nga susamang kaso sa susamang mga petsa sa 2026.
Ang statutory rape, nagpasabut sa pugos o mahimong sinabutan, apan ang mga nalakip, may usa ka nagpanuigon og 16 pa ubos.
Kini kay segun sa balaod, ang bata nga nag-edad og 16 anyo pa ubos, wala pay legal nga kapasidad sa pagsugot sa pagpakighilawas.
Wala man isulti didto sa mga taho, apan napakita usab nga sa 43 ka mga kaso sa pagpanglugos nga nahitabo sa 2026, 35 niini naglambigit sa menor de edad, segun sa taho ni Police Lieutenant Colonel Christopher Fernandez, Operations Chief sa Kampo Dagohoy.
Kon gender ang hisgutan, 3 ka kaso ang nagpanuigon og 0-10 anyos, samtang 21 ang nag edad og 11 ngadto sa 15 anyos.
Nunot niini, kasagaran sa mga kaso sa statutory rape, bisan kon nagkasinabut ang mga nalambigit nga menor de edad, mahimo pa gihapon nga makasohan, labi na kon agrabyado ang mga ginikanan.
Sa sitwasyon nga ang duha, pulos menor de edad ug nagkasabut, walay napugos, ug walay pagpabg-abuso, mahimong makalusot sa pagkabilanggo apan kinahanglan kining pruwebahan sa korte.
Tungod niini, alang sa mga kabataan nga wala masayud sa dangatan sa pagpakighilawas samtang menor de edad, angayan nga mahibaw-an nga gawas sa pagka bilanggo sa wala sa panahon, mahimo pang mamultahan.
Subay usab niini, gipasalig sa Kampo Dagohoy nga ipadayon ang pagpalig-on sa Women and Children Protection Program, hingusgan ang kampanya sa mga komunidad, og palig-onon pa ang tinabangay sa mga ahensya nga kaalyado alang sa mas dinali-an nga imbestigasyon ug pagtaral sa mga sad-an. (PIABohol)
