By PR | 08:09 PM June 17, 2026
TAGBILARAN CITY Bohol —Seryosohon sa Aboitiz InfaCapital (AIC) Airports and pagpakigsabut alang sa dugang charter flights gikan sa Japan, samtang nagpadayong nasinati sa kalibutan ang pagkalusno sa ekonomiya tungod sa nagpadayong kasamok sa Middle East.
Kini maoy gibutyag ni AIC Airports Strategic Communications Chief Ma. Christine Villanueva, eksaktong usa ka tuig human ikatugyan sa kagamhanan ang pagdumala sa Bohol Panglao International Airport (BPIA) ngadto sa pribadong AIC Airports.
Kahinumduman nga nakahimo na ang BPIA sa pagdawat sa Cebu-pacific flight sa JTB Asia Pacific Corporation charter nga may 163 ka mga bisitang Hapon gikan sa Narita Airport sa Japan, pila n aka buwan ang milabay.
Matud ni Villanueva, ang nasugdan nga chartered flights mao nay magpahipno sa sunod nga mga chartered flights nga magpalig-on sa pangturismo nga katali-an sa Bohol ug Japan ug magbukas sa mga kahigayunan alang sa turismo, ekonomiya ug kulturanhong katalian sa duh aka mga kahi.
Kini usab human mapalig-on sa AIC ang mga kritikal nga imprastraktura, pagpamaayo sa serbisyo nagdto sa mga pasahero ug airlines, pagpalapad sa mga tanyag komersyal niini ug pagpahiluna sa kapasikaran sa tinag-as nga pagpa-ugmad sa nahisgutang tugpahanan, subay sa gitaho sa kompanya, ngadto sa media sa Bohol.
Didto sa PBIA Aboitiz InfaCapital Media Kamustahan didto sa Smoque Bistro sa Bool District ning syudad, si AIC Airports communications heald Villanueva nga gawas sa asset inventory ug pagsusi sa mga kondisyones sa mga kabtangan nga ilang gidawat, nahuman na ang preventive maintenance ug pagpahiuli sa mga nangaguba nga mga estraktura, kahimanan ug fixtures aaron mas hamugaway ang paggamit sa airport.
Sa kanhi nga mingaw ug walay mapalita nga mga stalls didto, natibawas na ang commercial upgrades sa airport alang sa mas maayong kasinatian sa mga pasahero, taho ni Villanueva.
Kasamtangang may 11 na ka commercial retail stalls aril ang mga makapadayag sa mga produktong Bol-anon, ug mga amenities sama sa pagbukas sa mga automated teller machines (ATM), Grab booth, dugang retail spaces, mas napamaayo nga airport layout ug pagpabutang sa autoimatic parking boom barriers sa parkingan.
Mas napanindot na usab, matud pa ang libre nga wifi sa airport, dugang ni Villanueva.
Ug kay ang runway sa tugpahanan, napaandam na, nakapatugpa ana ang PBIA og Airbus 330, alang sa mga ganahan mosulod nga airline companies pohon, gawas sa 23% nga pagdaghan sa mga international flights.
Sukad matugyan nag airport, may 2.16 milyones na ka pasahero ang nakagamit ug minglabay sa airport sukad Marso 2025 ngadto sa Marso 2026
Alang sa nahibilin nga parte sa 2026, matud sa AIC nga may nagpadayon pa nga terminal enhancements, pagpalapad sa mga pasilidad nga mag-alagad sa mga pasahero, magpahanoy sa mga sistema ug proseso, dugang kahigayunan alang sa buot magnegosyo sulod sa airport ug mga imprastraktura nga makaalagad sa umaabut nga manakaya paingon ug gawas sa Bohol. (PIABohol)
