By PIA-Bohol | 03:22 PM March 17, 2026
TAGBILARAN CITY, Bohol —May namatikdan ang Philippine Statistics Authority (PSA) nga pagsaka sa presyo sa 23 ka mga paliton ug serbisyo nga gipanid-an, apan sa kinatibuk-an ga rehiyon, ang Bohol pa gihapon ang may labing ubos nga inflation.
Didto sa binuwan nga data dissemination sa PSA kabahin sa ilang pagpaniid sa binuwan nga lihok sa presyo sa matag food basket nga gipalit sa mga Bol-anon, napagawas ang dagan sa paglihok sa presyo.
Matud ni PSA Bohol Statistical Specialist Venus Estillore, “ang Headline inflation sa Bohol mingpaspas og dyutay sa Pebrero ngadto sa 2.9 porsyento gikan sa 2.2 porsyento sa buwan sa Enero, 2026.”
Kini naapektohan sa mas paspas nga paglihok sa mga mas may gibug-aton nga mga produkto ug serbisyo nga prayoridad sa Bol-anong banay.
Alang sa mga mas bug-at alang sa budget sa pamilyang Bol-anon, ang pagkaon ug mga ilimnong dili makahubog, pabalay, bayad sa tubig, koryente, gas ug mga sugnod ug ang gasto sa panakyanan ilabi na sa mga pribadong sakyanan nagkamahal, tumbok ni Estillore.
Napakita usab nga samtang 3.0 porsyento ang inflation sa Bohol, kina-ubosan kini sa Central Visayas nga mingtala sa kinatibuk-an nga 6.0 porsyento nga paglihok sa presyo.
Sa Centraol Visayas, kina-taasan ang natala nga inflation sa Cebu province nga ming-abut sa 8.0 porsyento, samtang ang syudad sa Lapulapu ang nagsunod sa kina tas-an dihang ilang natala ang 6.9 porsyento sa buwan sa Pebrero.
Ikatulo nga may labing taas nga inflation ang sydad sa Mnadaue nga may 4.8 porsyento dayun ang Cebu City nga may 4.6 porsyento nga inflation rate.
Sa kahimtang sa Bohol, ang 3.0 porsyento nga inflation rate sa buwan sa Pebrero, dili usab maoy labing taas nga rates sa nang labay na nga katuigan.
Niadtong 2023, ang Bohol mingtala sa 9.4 porsyento nga inflation rate sa Pebrero, samtang sa 2024, ang inflation rate sa Pebrero diha sa 4.0 porsyento. (PIABohol)
