By PIA-Bohol | 01:09 PM February 27, 2025
Kon mahilig ka sa arte, may higayon ka pa nga makasalmot sa FISHCoRExhibit: Raising Awareness on Fisheries and Coastal Resiliency Art Competition kay giuswag taman sa Feb 28 ang deadline sa pre-registration, segun sa Bureau of Fisheries and Aquatic Resources (BFAR).
Usa ka kompetisyon sa Mixed Media, ang kalihukan gitunong usab sa pagsaulog sa Buwan sa Kadagatan sa Mayo, mao nga sa Abril 21 pa ang deadline sa pagduso sa entry, dugang sa BFAR.
Bukas alang sa mga salmot sa mga artist nga estudyante sa kolehiyo nga anaa sa sulod sa Fisheries Management Areas (FMA 6 ug 9) sama sa Region 1, CAR, Region 3, Region 4A, Region 4B, NCR, Region 7, Region 8, Region 9, Region 10, ug Region 13 basta wala pa makadaug sa bisan unsa nga local ug international nga arts competitions.
Kinahanglan ang artpiece nga two-dimensional, wall-mounted ug maglakip sa daghang mga materyales gha nahiusa sa pagpadayag sa tumong sa FishCoRe Project, pagseguro sa food
security, ecosystem resilience, ug community sustainability.
Kinahanglan ang entry nga original artwork nga gigama ug gimugna sa partisipante lamang , dili kinopya ug sinundog aron dili madisqualify.
Ang artwork kinhanglan labing menos 18 x 24 inches (1.5 x 2 feet) ug labing daku ang 36 x 48 inches (3 x 4 feet), dili baga pa sa 5 pulgadas ug dili molapas sa 10 kilos ang timbang.
Kini kinahanglan nga adunay gigamit nga mga pokot, anod ug tipaktipak sa mga sakayan, mga gigamit pag-usab nga basura uban sa water-based paints (sama sa acrylic, watercolor, gouache), Oil-based paints, Industrial paints (spray, enamel, epoxy), Ink o markers, Colored pencils, charcoal, pastel, or graphite, noog, (fabric, textiles), plastics, resin, wood, bildo, ceramics, o metal.
Kinahanglan usab ang artpiece maglakip na sa kaw-itanan aron ika display, ug gipalig-on nga dili mabungkag sa byahe.
Ang mga entries hukman pinaagi sa creativity & rriginality (25%), Form & Style (25%), Artwork Impact (25%), Durability (25%) ug Social Media Choice Award alang sa National Level, base sa public engagement sa social media.
Interesado nga mosalmot? Subaya ang contest mechanics dinhi sa https://drive.google.com/…/18Wm0KmxYsXpzSvJMTwz…/view…
Guidelines for the FISHCORExhibit: Raising Awareness on Fisheries and Coastal Resiliency Art Competition. (PIABohol)
