By Rey Anthony Chiu | 09:20 AM June 27, 2024
Healthy nga diet, regular nga pagpasingot ug permi nga inom og tubig, kini tulo sa mga labing maayong panagang sa pagkadaut sa kidneys, saysay ni Dr. Donabele Agbayani sa Department of Health.
Kauban sa healthy diet ang pagkaon sa kan-on nga mas daghan ang gikans a tanom, nga kon ang usa ka plato ang basehan, sa Pinggang Pinoy, mas maayo kon ang katunga sa kaonon mga prutas ug utan, ¼ mga protina ug unod sa karne sab aka o baboy, o manok, samtang lang laing ¼, gikan sa carbohydrates o starch sama sa nilung-ag humay, mais, noodles, lagutmon o pan, matud niya didto sa Kapihan sa PIA.
Ubayan usab kini regular nga pagpasingot, nga nagpasabut sa permi ug giplano nga pisikal nga paglihoklihok nga himoon aron sa pag-ugmad sa kinatibuk-annga kamaayong panglawas ug pagka physically fit.
Sugyot sa batan-on nga doctor, maggahin og 150 ka minutos o duha ka oras ug tunga nga dili kayo hagu nga kalihukan o 75 minutos sa labing hagu nga kalihukan matag semana alang sa mga hingkod.
Hinuon usab, angay likayan ang sobra sobra nga pagpasingot o kadtong gitawag nag nasobrahan nga pagbansaybansay, matud sa mga doctor.
Ang rhabdomyolysis mahitabo kon ang usa ka tawo magpugos sa iyang ka-unoran nga ma-injure nga dili na maapas sa lawas sa pagpahiuli.
Kon madaut ang unod sa lawas, ang mga ang mga protina nga ania mag-agi sa mga unod-unod, mapadagayday ngadto sa mga agi-anan sa dugo og kini maoy masarap dugo paingon sa kidneys.
Kon mahitabo kini, ang biktima, makaangkon nag “rhabdomyolysis nga kasagaran molahus na ngadto sa kidney failure.
Sa laing bahin, kadtong buot makakuha dayon sa ilang super powers ug mogamit sa steroids, delikado usab.
Anabolic-androgenic steroids nga gigamit sa mga atleta aron makakuha pag superpowers, kasagaran makadaut sa kidney ug kini makapagrabe sa pagkadaut sa kidney nga molahus ngadto sa renal disease.
Dugang pa ni Dr. Agbayani, maayo usab nga panagang sa sakit sa kidney ang pag-inum sa igo-igo nga kadaghanon sa tubig.
Dinhi, gibanabana nga sa duha ka litro nga tubig nga imnon matag adlaw, makatabang kini paglikay sa pagkahulma sa bato sa pantug ug makatabang sa mas maayo nga pagkabanlas sa mga hugaw sa dugo ngadto sa kidneys aron ikalabay sa dagway sa ihi.
Apan alang sa mga nagkasakit na sa kidney, tambag sa DOH nga aron makakuha sa medical assistance sa mga magpa dialysis sa private institution, mo duol lang ta sa Tanchay Duan Dialysis Center sa Lim Hong Khu building ug subaya ang mga instructions aron maka avail sa financial assistance, panapos ni Dr Agbayani. (PIABohol)
