By Marisol Bo-oc | 10:45 PM June 06, 2022

Puwede na magamit ang step-down care unit sa Bohol human ang turn-over ug blessing karong adlawa, Hunyo 6.

Ang step-down care unit usa ka temporary treatment ug monitoring facility nga napahimutang sulod sa daan nga airport sa dakbayan sa Tagbilaran.

Opisyal kini gi-turned- over ni Gobernador Arthur Yap ngadto sa Gov. Celestino Gallares Memorial Hospital (GCGMH).

Dakong kalipay ni Yap nga na-turned over ug andam na nga magamit ang maong pasilidad tungod kay dako kining tabang para sa atong mga kaigsoonang Bol-anon.

Mahinumduman nga pinaagi sa iyang pagpaningkamot ug pakig-atubang sa Department of Public Works and Highways (DPWH) namahimong posible nga itukod ang maong pasilidad para makatabang sa pagbarug ug balik sa atong ekonomiya.

Tungod niini, mapasalamaton si Yap sa maong ahensya sa pagdungog sa iyang hangyo ug mapasalamaton usab siya sa tanang katawhang Bol-anon nga bisan pa lisod ang miaging duha ka tuig tungod sa pandemya, nakatabok ug nakalingkawas ang atong lalawigan tungod sa atong panaghiusa ug pagtinabangay.

Sa iyang bahin, gisaysay usab ni Dr. Mutya Macuno, ang chief of hospital sa GCGMH, nga gamiton nila ang maong pasilidad isip step-down hospital para sa mga pasyente nga andam nga mo-check out aron nga dili mag-guot sa Gallares hospital.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.