By Rey Anthony Chiu | 10:16 PM February 23, 2024
Gisudan na og tuki sa Sangguniang Panlalawigan sa Bohol ang pagkamugna sa dugang nga komitiba, ang Committee on Science and Technology taliwala sa nangsulpot karon nga mga teknolohiya ga mahimong mas makapadali pa sa pagpadagan sa kaugmaran samtang magpanalipod usab sa mga Bol-anon sa mga epekto unya s amga wala magiyahi nga mga bag-ong teknolohiya.
Sa sugyot ni Board Member Greg Crispinito Jala, mi-uyon si BM Elpidio Bonita sang lit kini nakapatik sa Batakang Balaod nga nagmandu sa pagpaduso sa Science and Technology samtang maoy magapabulhot sa nasudnong pag-ugmad.
Gisugyot usab ni Bonita nga ang nagaray na nga ordinansahon, himoag kausaban ang Section III, Composition, nag naglagda sa mga sakop sa nasampit nga komitiba nga dili na isukip ang ubang mga ahensya kon dili mga sakop sa SP lamang subay usab sa Internal Rules and Procedures niini.
Gidugang usab ni BM Aldner Damalerio nga isukip ang scope sa umolon nga komitiba, aron dili na usab mosaw-id pa sa ubang mga komitiba nga namugna na, dayag ni BM Vincenzo Arcamo.
Isip tsirman usab sa Committee on Science and Technology sa Sangguniang Panlungsod sa Tagbilaran, ang bag-ong misampa nga BM nga nagrepresentar sa Philippine Councilor’s League, mingdason sa iyang suporta alang sa kamugnaan niini sa Sangguniang Panlalawigan. (rahc/PIA-7/Bohol)
