By PR | 07:23 PM November 07, 2023
Naangkon sa Sugbuanon nga National Master Rommel Ganzon ang kampeyonato sa 2023 CPG Chess Cup niadtong Nobyembre 4-5.
Ang bag-o pa natapos nga torneyo gipahigayon sa Ceremonial Hall, sa Bag-ong Kapitolyo.
Ang 38-anyos nga si Ganzon mipatigbabaw sa 133 ka ubang magduduwa lakip na ang 10 nga may nasudnong ranggo.
Nahipos ni Ganzon ang walo puntos sa posibleng siyam puntos human napildi og kas-a sa tibuok torneyo aron mabawn ang unang ganti nga P15,000.
Si Norman Longjas ug Alekhine Nouri nakakuha sa ikaduha ug ikatulong bahin alang sa ganti nga P10,000 ug P7,000 alang niini.
Ang Provincial Youth Development Office (PYDO) ubos sa paggamhanan ni Gob. Aris Aumentado nagpasiugda sa 2023 Chess Cup aron pagdasig sa mga mahiligon niini sa mga kabatan-onan subay sa Strategic Change Agenda.
Nitunol usab ang opisina og upat ka espesyal nga premyo ngadto sa mga mananaog sa mga kategoriya sa kiddies, ladies, juniors, ug seniors.
Ang mga Bol-anon nga magduduwa nga nagrepresentar sa matag distrito, midawat sa kantidad nga P2,000 matag usa.
Ang 2023 CPG Chess Cup usa ka tinuig nga chess tournament nga gihimo matag Nobyembre 4 agig paghandom sa petsa sa pagkatawo ni kanhi ug nag-inusarang Bol-anong Presidente nga si Carlos P. Garcia.
Kini isip pag-ila sa iyang gugma sa chess. (PIMO/MAV)
