By PR | 09:09 PM October 03, 2023
Personal nga gipadangat ni Gov. Aris Aumentado ang panawagan ngadto sa Philippine Ports Authority (PPA) alang sa kumpletong implementasyon sa mga proyekto niini sa lalawigan sa Bohol.
Nagkigtagbo si Aumentado kang manlalaban Jay Daniel Santiago, general manager sa PPA ug mga kaubanan niini atol sa iyang pagduaw sa maong buhatan sa kaulohan adlawng Martes, Oktubre 3.
Ang maong mga proyekto naglangkob sa International Port Terminal Building ug Welcome Center sa Loon, Yacht Club sa dakbayan sa Tagbilaran, dredging sa Ubay port, expansion sa mga pantalan sa Jagna ug Tubigon ingon man ang construction sa Maribojoc port.
Matud pa ni Aumentado, gigahinan niya og panahon ang pagsubay sa maong mga proyekto aron kapahimuslan kini sa katawhang Bol-anon ug silingang mga lalawigan.
Si Aumentado nagkanayon nga gikinahanglan kini pag-ayo sa gitinguhang kalambuan sa Bohol. (PIMO/ALT)
