By Marisol Bo-oc | 08:02 PM November 03, 2022
Viral karon sa Social Media ang pag-abog sa mga miyembro sa Mga Saksi ni Jehova o Jehovah’s Witnesses human kini nanghatag ug mga basahon sa mga managkot sa sementeryo Virgen DelaPaz Catholic Cemetery atol sa Adlaw sa mga Santos, Nov. 1 sa lungsod sa Dauis, Bohol.
Sa post sa Catholic Faith Defenders (CFD) – Songculan Chapter, usa ka lalaki ang mimando sa mga taga Saksi nga ipahipos ilang basahon ug palakwon sila sanglit iya kini sa Katoliko nga kalihukan.
Miani kini og lain-laing reaksyon gikan sa mga netizen human ilang nakita ang video.
“CFD Songculan Chapter wa jud kay batasan pwerting gamayas utok nimo,” matud ni Ruben Munsales.
“It still doesn’t justify your approach sa ila Sir,” matud ni Ron Est.
“Kitang mga Katoliko kita ang tinuod nga mga sulugoon sa Ginoo..Gisugo ta sa Ginoo pagbadlong anang mga nagwali nga sukwahi sa giwali sa mga apostoles….wala koy gikasaway sa mga CFD kay nagtuman ra sila sa sugo sa Ginoo…wala mana sila nakig-away sa tawo nakig-away na sila sa pagtulon-an(Efeso 6:12)….nakahibalo na sila kong kinsa ang mga ANTI CRISTO dinhi sa kalibutan, ” said Eliseo Patigdas.