By J. Jala | 11:12 AM September 18, 2022
Kanhi magsisibya sa Bohol nga si Rey Blanco gidungab patay didto sa lungsod sa Mabinay, Negros Oriental karung gabii, Sept. 18, 2022.
Sa imbestigasyon sa Mabinay Police Station, pasado 6 sa gabii, si Blanco mingbisita kang Wilbert Amada, ang igsuon sa suspek nga si Charles Yanoc Amada, hingkod ang pangidaron, residente sa Barangay Himocdongon, Mabinay.
Apan kalit lang mitungha ang suspek nga si Charles ug sa walay igong rason gidunggab ang biktima gamit ang bladed nga armas ug naigo kini sa liog.
Si Blanco daling gidala sa Mabinay Community Hospital apan gideklarar nga patay na.
Boluntaryong mitahan sa mirespondeng mga pulis si Charles ug gitanggong karon sa Mabinay Police Station detention cell.
Si Blanco nahimong magsisibya sa dYRD sa Bohol sa wala pa kini mubalhin sa Bais City, Negros Oriental.
Nagpadayon siya sa iyang pagka-magsisibya ug komentarista sa
Power 102.1 DYRY FM Mabinay.