By Rey Anthony Chiu | 08:23 AM August 19, 2022

Dili gyud kalimtan ang pagsubay sa protocols ug sa gabayan nga gilagda sa Nationwide Implemention of Alert Level System for Covid-19 response, sa mga gitugot nga paduwa ug panagtapoktapok, ilabi na sa pagpangita sa kamatuoran sa kompleto nga pagbakuna sa 18 anyos pataas aron makasulod sa mga patapok ug sporta activities.

Kini maoy pahinumdom sa ang Inter Agency task Force sa pagdumala sa Coronavirus disease (Covid-19), samtang nagkadaghan na ang mga local government units nga napailawom sa Alert Level 1, ug diin gitugot na ang pagpahigayon og kalihukan sa paugnat sa kusog ug mga kalingawan.

Matud pa sa pahinumdom nga gimantala pinaagi sa usa ka Advisory, mipahinumdom ang IATF nga ang mga katawhan, 18 anyos pataas, kinahanglan gyud nga makapakita sa ilang kamatuoran nga nabakunahan sa duh aka tupokan sa dili pa makasulod aron motambong sa tapoktapon, paduwa o mosulod sa lugar nga sirado sama sa fitness studios, gyms, ug lugar diin adunay exercise ug sports.

Dinhi nga mga higayon, kinahanglan ang pagsul-ob sa haum nga masks, bisan pa sa outdoors o indoors nga pribado o pangpublikong establishments, gawas lamang kon mokaon, moinum, moapil sa team ug individual sports sa mga lugar diin makontrolar ang pagdagan sa hangin.

Gipahinumdom usab sa IATF nga kinahanglang mapatuman gayud ang nasudnong giya sa sakto nga gamit, pagtipig ug paghipos sa sakto nga personal protective equipment.

Kini usab samtang ang Bohol padayon pang anaa sa Alert level 2, apan may mga kalungsuran na niini nga anaa sa Alert Level 1.

Hinuon, wala ipaklaron sa Advisory kon ang mga kalungsuran nbga anaa pa sa Alert Level 2, gitugotan na ba nga magapaduwa o makapatarok sa mga katawhan, sa bukas man o sirado nga mga lugar.

Ang nahauna nga Advisory, gipagawas niadto pang Hulyo 15. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.

%d bloggers like this: