By Rey Anthony Chiu/PIA-Bohol | 10:59 AM August 19, 2021

Tagbilaran City as of August 19, 2021.

Kon sa tibuok Pilipinas, sa matag usa ka gatus ka tawo nga magpositibo sa coronavirus disease, wala ra sa duha, dinhi sa Bohol, kapin sa duha ang mamatay sa susamang kadaghanon sa nasakit.

Sobra sa duha ka porsyento sa mga natakdan sa Covid-19 dinhi ang namatay, kini mas labaw og dyutay sa nasudnong porsyento sa mga nangamatay sa nasampit nga sakit.

Sa labing bag-ong taho sa Bohol Inter Agency task Force (BIATF) on the Management of Emerigng Infectious Diseases, napakita nga sa Bohol, mikabat na ngadto sa 11,182 ang kadaghanon sa mga Bol-anon nga natakdan sa makalilisang nga sakit-mananakod.

Niini nga kadaghanon, hangtud sa Agosto 19, 2020, mikabat na usab sa 241 ang kinabuhi nga nakalas tungod sa inadlaw-adlaw nga pagsugal sa kinabuhi dinhi.

Niini, migawas nga anaa sa 2.1 porsyento ang mga namatay sa kadaghanon sa natakdan human kini usab makompirmar nga sila nagpositibo sa Covid pinaagi sa labing taas nga sumbanan sa pag-ila sa sakit.

Ang Reverse Transcription Polymerase Chain Reaction Mao pa gihapon ang giingon nga gold-standard sa pagtumbok kon ang tawo aduna na niining kagaw nbga nagdala sa sakit nga Covid.

Samtang ang Bohol anaa sa 2.1 porsyento o duha sa matag us aka gatus nga nasakit ang mamatay, ang kinatibuk-ang nasudnong average anaa lamang sa 1.7 porsyento.

Segun sa taho sa Department of Health (DOH), sa tibuok nasud, mikabat na sa 1,776,495 (milyones) ka Pilipino ang natakdan sa sakit nga una nga namatikdan didto sa Wuhan sa China.

Niini, miabut na usab ang kinatibuk-ang mga namatay sa 30,462 ka tawo sukad namatikdan ang sakit nga nanghasi sa nasud sa mi-aging Disyembre 2019.

Kini nga kadaghanon sa mga nangamatay katumbas sa 1.7 porsyento sa mga kompirmado nga nasakit. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

One thought on “Porsyento sa nangamatay sa Covid sa Bohol, labaw sa nasudnong average”

Leave a Reply

This site uses Akismet to reduce spam. Learn how your comment data is processed.