By Ric Obedencio | 09:24 AM July 29, 2022

Si provincial Board Member Atty. Jamie Aumentado Villamor (2nd district) nagkanayon nga iyang iduso sa Sangguniang Panlalawigan ang plano sa kaulohan sa pagtukod sa Children’s hospital ug Lung hospital sa Visayas.

Si Villamor nagbutyag niini human sa State of the Nation Address (Sona) ni Presidente Ferdinand R. Marcos, Jr niadtong Hulyo 25, 2022 atol sa iyang press conference gahapon sa iyang buhatan.

Ang Sona ni BBM naglakbit niining mga hospital.

Ang iyang plano sa pag-indorso niini ngadto sa SP mao nga ilang matuki kini kay posible nga maka-ayo kini sa mga Bol-anon.

Sa pakighinabi kaniya, si Gobernador Aris Aumentado nagkanayon nga siya nalipay tungod ang Sona naghisgot niining katukoran sa mga ospital. Siya midugang nga iyang gihangyo si congresswoman Vanvan Aumentado sa file sa mga House bills pag-usab kalabot sa mga naasoyng mga opsital.

Matud ni Villamor nga kon madayon man ugaling kining mga ospital dinhisa Visayas, dako kaayo ang maani sa mga Bol-anon kay dili naa madak-an sa gastos kay sa mongadto pa Manila aron modangop niining mga tambalanan.

Si Villamor bu-ot usab mosusi sa gikataho nga plano ni Cngresswoman Alexie Tutor sa paghimo sa Candijay ug Jagna hospitals nga mahimong ubos sa pagdumala sa national government.

Kining mga ospital sa Jagna ug Candijay gipanaga-iyahan sa Kapitolyo.

Kon makit-an ni Villamor nga angayan nga paluyohan ang mga House bills ni Tutor, nganong di man buligan sa SP?

Ang niaging SP ubos n kanhi Vice-Gov Relampagos midumili sa pagsuporta sa balaodnon ni Tutor kay, matud pa ni BM Dr. Elpidio Bonita nga “wala mananghid si Tutor.” (rvo)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.