By Rey Anthony Chiu | 07:40 PM June 15, 2022

Sa nagka-umaw nga yuta nga dili na mopa-ani og daghan kon walay abono, may solusyon pa ba? 

Subay sa sugyot sa mga tinugyanan sa Fertilizer and Pesticides Authority (FPA) sa ilang pagsubay sa Bohol dili pa lamang dugay, ang pagsagop sa Balanced Fertilization Strategy nga giduso usab sa ahensya. 

Kauban sa pagpakigalayon sa Special Area for Agricultural Development (SAAD), nakig-tigum ang FPA sa kapin kon kulang 156 ka mag-uuma nga nahisakop sa SAAD sa Integrated Carabao ug Vegetable Production Project sa mga kalungsuran sa Buenavista, Getafe ug Mabini, aron ilang ikaduso ang stratehiya nga gituohan nga mopauli sa yuta nga sa pila n aka katuigan, gituhop na sa makadaut nga epekto sa kemikal nga abono. 

Niadtong Hunyo 7 ug 8, 2022, nakig-uban ang FPA alang sa pagpalapad sa teknolohiya sa Balanced Fertilization, sa mga mag-uuma sa Catigbi-an SAAD Farmers Association sa Buenavista, Taytay SAAD Farmers Association sa Getafe ug sa Minol Rice and Vegetable Grower Farmers Association sa Mabini.

Ang bahan sa FPA gipangunahan ni Deputy Executive Director for Fertilizer Dr. Myer G. Mula, Bohol Agricultural Promotion Center Officer Aurea M. Madrio, FPA Planning Officer Atty. Errol John Ramos, Regional Officer Arnulfo L. Arausa, Jr., Provincial Officers Andy Cornell G. Bornillo ug Jesus A. Muring, SAAD Regional Focal Person Ian H. Egam ug SAAD Provincial Coordinator Ma. Reigelyn Malarijes. 

Ang BFS Program usa  ka tinagaas nga solbad sa panginahanglan sa mas barato nga abono sa tibuok kalibutan. 

Ikaduha na niiini nga tumong ang  pagpahiuli sa nagka-umaw na nga yuta nga dli na hinuon produktibo. 

Matud sa FPA, ang balance nga paggamit sa abono nga kemikal ug natural sama sa dagami o ohot sa humay, hugaw sa mga hayupan nga gisahog aron maoy maghatag sa mga nutrina nga gikinahanglang sa tanom. 

Sa saktong sahog, kini maka hatag sa lahutay nga produksyon sa pananum bisan sa tag-as nga lanat sa panahon, samtang hinay nga gipahiuli ang sitwasyon sa yuta, segun sa FPA. 

Nunot niini, gihangyo sa mga maguuma ang FPA sa tukmang bansaybansay alang sa luwas ug husto nga paggamit sa abono ug pamatay dangan sa sunod semana, ug sa sunod buwan pohon, matud pa ni Andy Cornell Bornillo sa DA FPA. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.