By Rey Anthony Chiu | 07:48 PM June 15, 2022

Adunay duha  ka paagi nga makakuha ang usa  ka tag-iyahan og sakyanan sa plaka nga dugay ra niyang gihandum: pinaagi sa online digital verification ug sa walk-in.

Sa mga personal nga mokuha, o walk in, gikinahanglang magdala sa Xerox sa labing bag-o ug dili paso nga rehistro sa sakyanan nga gimatuod sa bag-ong Official Receipt (OR). 

Kinahanglan usab nga dalhon ang kopya sa Certificate of Registration, (CR). 

Kini ipakita sa empleyado sa LTO alang sa pagproseso sa pagpamatuod niini o pagpa beripika. 

Kini nga mga detalye maoy basehan sa empleyado sa LTO sa pagpuno sa mga detalye sa sakyanan diha sa google form. 

Dinhi gikinahanglan ang tin-aw ug mabasa nga kopya sa labing bag-o ng dili expired nga Official Receipt (OR) sa rehistro ug  ang copya sa Certificate of Registration (CR) sa sakyanan. 

Kinahanglan usab ang copya sa Deed of Sale  ug xerox sa usa ka balido nga identification card nga gi-issue sa goberno, kon ikaw ang tag-iya sa sakyanan. 

Kon gisugo ka lang, manginahanglan ka og Special Power of Attorney, government issued identification card sa tag-iya ug imong identification card, aron ma proseso kini. 

Gikinahanglan kini nga detalye nga ikaduso ngadto sa database aron masubay ug maberipika. 

Didto na makit-an sa empleyado sa LTO sa nasudnong database kon anaa na ba ang nahisgutan nga plaka sa Tagbilaran City.

Kon anaa na ang plaka, pahibaw-on na ang tag-iya nga miproseso sa iyang plaka sa sunod nga schedule sa pagkuha niini.

Matag Sabado ug Domingo lamang ang pagopagawas sa plate numbers kay sa matag Lunes ngadto sa Byernes, pangitaon sa LTO ug mga empleyado sa General Services Office ang plaka sa nagtipun-og nga plaka.  

Mahimo usab nga sa online sutaon kon makuha na ba ang plaka. 

Una, kinahanglang I scan sa tag-iya ang QR Code sa LTO og mosulod na dayun sa bit.ly link nga https://bit.ly/38w5EXH

Kompletohon gihapon niya ang mga detalye nga gikinahanglan sa sakyanan diha sa nasampit nga google form, usa ka detalye sa MV ang gikinahanglan aron maduso na ang dokumento. 

Kini nga google form, kinahanglang isubmit usab online aron mapasa ngadto sa nasudnong database ang dokumento ug masubay na og sugod ang plaka. 

Human niini, ang tag-iya, pahibaw-on lang unya pinaagi sa text message kon ang plaka nga iyang gikinahanglan, pwde na nga makuha diha sa scheduled nga pagpang-apod-apod niini sa tagbilaran City Hall Atrium. 

Tibuok buwan sa Hunyo, 2022 ang syudad sa Tagbilaran mitugot nga makigtambayayong sa LTO sa pagpang-apod-apod sa mga plaka. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.