By Rey Anthony Chiu | 06:50 PM December 14, 2021

Lain nga tulo ka adlaw alang sa National Vaccination Drive (NVD) ang gitagana sa Regional Vaccination Operations Center alang sa ikaduhang opisyal nga pamakuna sa tumong nga abton na ang herd immunity sa Central Visayas.

Kini matud ni Dr. Shelbay Blanco, Medical Officer III sa Department of Health (DOH) Central Visayas Center for Health and Development (CVCHD) atul sa online nga tigum alang sa ika upat nga kwarter sa Regional Peace and Order Council 7 niadtong Disyembre 13.

Ang ikaduhang NVD himoon sa Disyembre 15 ngadto sa Disyembre 17 ug apilan kin isa kinatibuk-ang Central Visayas, matud pa sa tinugyanan sa DOH-7.

Ang nahauna nga NVD nakahatag sa kinatibuk-ang Central Visayas sa 653,170 ka mga nasakop sa eligible population nga nabakunahan, sulod lamang sa tulo ka adlaw, taho ni Dr Blanco.

Sa unang NVD niadtong Nobyembre 29 ngadto sa Disyembre 1, miabut sa 572,364 ang gipasalig sa kinatibuk-ang rehiyon nga abton sa bakuna, apan 653,170 lamang ang nakuha niining bakunahan sa tulo ka adlaw.

Kini nga vaccination percentage coverage igo lamang sa 80%.

Subay niini, daghan nga mga local nga kagamhanan sa rehiyon ang mi-inat sa ilang mga vaccination drives lapas pa sa December 1, aron masanapan ang kakuwang, apan, paspas nga nagsingabut ang mga dagkong kalihukan nga mahimong magpahimutang sa mga wala mabakunahi, sa kakuyaw.

Ang piniliay sa sunod tuig magpagawas sa tanang hamtong nga populasyon aron makabotar ug kini mamahimong higayon sa kanit nga pagtakod kon dili tanan nga buot abton sa bakuna ang kahatagan sa panalipod batok sa sakit nga mananakod.

Gilauman nga pinaagi sa ikaduhang hugna sa NVD, mapadaghan pa gayud ang mabakunahan ilabi na kay nakasuway na ang mga vaccination teams ug nasayud na sa mga buluhaton aron mamahimong mas paspas ang pagpangtupok sa mas daghang tawo nga buot abton.

Apan, nahingawa na og sugod ang mga tinugyanan sa kasanihan sa nahisgutang tulo ka adlaw nga pamakuna.

Kini kay ang weather bureau sa nasud kasamtangan nga nagtutok sa usa ka bagyo nga mahimong mosulod sa Philippine Area of Responsibility (PAR) ug gituohang manghasi sa Central Visayas. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.