By Rey Anthony Chiu | 07:19 PM April 22, 2022

Nahingawa ang mga eksperto sa Department of Health (DOH) nga nagpasiugda’g epidemiologic modeling sa ilang nakita nga possible nga pagsugwak og usab sa kaso sa coronavirus disease tungod sa pagtamhang sa mga tawo sa pagtuman sa minimum public health standards nga gilatid aron pugngan nag pagkatag sa kagaw.

Subay sa gigamit nga Susceptible-Exposed-Infectious-Recovered with Vaccination and Reinfection (SVEIR) model sa sub-Technical Working Group on Data Analytics (sTWG DA) ug sa Feasibility Analysis of Syndromic Surveillance using Spatio-temporal Epidemiological Modeler for Early Detection of Diseases (FASSSTER) Team, mahimo nga ubos gatyd ang kadaghanon sa nasakit sa Covid-19 gikan sa Marso ngadto sa Abril, apan sa sama nga higayon, mikunhod sa 7% ang katawhan sa Pilipinas nga nagtuman sa lagda sa minimum public health standards, ug gani, -12% ang mga taga National Capital Region ang nagtamhang sa ilang tulumanon.

Segun pa sa DOH, ang mga analysts sa TWG DA ug FASSSTER mibutyag nga ang opagkunhod sa mingtuman sa lagda mahimong hinungdan sa pagbusikad sa daghan nga mga kaso.

Subay sa mga modelo sa sakit, nakita ang 20% nga pagkunhod sa mingsubay sa lagda sa pagpugong sa pagtakod sa Covid-19, mahimong maoy kinaingnan sa 34,788 ka aktibong kaso nga may 564 ka grabe nga kaso ug 267 nga magtinga gyud sa tungatunga sa Mayo.

Sa usa ka pagsubay sa model, sa 30% nga pagkunhod sa mga mingsubay sa lagda sa MPHS, makapasaka sa mga kaso ngadto sa 300 mil.

Kon mahitabo kini, mas daghan pa kini sa labing taas nga kaso sa panahon nga ang Pilipinas gihulga sa Omicron kanus-a ang mga kaso ming-sapong ngadto sa 291,618 niadtong Enero ning buwana.

Sa sama nga forecasting modle, nakit-an nga kon bisan sa pagkubos sa 50% sa mga mosunod sa lagda sa MPHS sa Metro Manila lamang, makaduslit kini sa 25 mil ngadto sa 60 mil ka kaso matag adlaw, nga magkadaghan hnagtud sa tungatunga sa Mayo.

Hinuon, kon estrikto nga motuman sa balaod ang mga Pilipino, pun-an sa mas daghang mabakunahan ug mahatagan sa booster shots, ug kon walay bag-ong variant, nakit-an sa mga analysts nga mokanaug na ngadto sa 1,293 ngadto sa 17 milsa tungatunga sa Mayo. (rahc/PIA_7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.