By Rey Anthony Chiu | 08:21 PM March 05, 2022

Gawas sa gipagawas nga nga nagpahabol sa mga lalawigan, highly urbanized cities ug independent component cities sa Alert Levels, may gipasupot pang basehan ang National COVID Vaccination Operations Center (NVOC) sa pagpakanaug sa Alert level sa usa ka lugar.

Kahinumduman nga ang Resolusyon No 163 sa InterAgency Task Force on the management of Emerging Infectious Disease nga nagtala sa Alert Levels nga ipatuman sa mga lugar gikan Marso 1-15, ang dugang nga giya nga gipagawas mao ang lebel sa pamakuna nga makaapekto na sa pagpakanaug sa Alert Level System.

Sa Advisory N0. 140 nga gipagawas sa NVOC niadtong Marso 3, gihatagan na og giya ang mga to Regional ug Local Vaccination Operation Centers (R/LVOCs), mga nagpatuman sa pamakuna ug Vaccination Sites sa bag-ong basehan alang sa Alert Level Systems.

Ang bag-ong basehan nga nadugang aron mapakanaug sa Level 1 ang usa ka lugar mao nga kinahanglan nga makahuman kini sa pamakuna sa 70% sa target population.

Sa kaso sa Bohol, diin ang target population anaa sa 1,106,085, nakuha na sa Bohol ang 58.28% nga pamakuna, ug layo pa sa 70% nga gitumong.

Ang Bohol adunay populasyon nga 1,394,329 subay sa taho sa Philippine Statistics Office (PSA) u gang 1,106,085 maoy 70% target.

Niini, nagkinahanglan ang Bohol ngamakaabut sa paghatag sa duh aka doses sa bakuna sa 774,260 ka mga Bol-anon aron makapausab kini sa iyang Alert Level 2 ngadto na sa Alert level 1.

Dugang pa, gawas sa 70% nga mabakunahan sa target population nini, gikinahanglan pa usab nga makuha sa Bohol ang pagpamakuna sa 80% sa kinatibuk-ang target nga senior citizens dinhe.

Kini, kon makab-ut na, matud pa sa NVOC, katumbas na sa paghatag og proteksyon sa 85% sa kinatibuk-ang populasyon nga anaa na sa 20 pataas ang pangedaron.

Nunot niini nga katikaran, matud sa NVOC nga ilang gamiton ang mga dokumentos nga giduso sa mga Local Vaccination Operations Centers ug LGUs nga namakuna sa pagsubay sa kasamtangan nga vaccine coverage nga gikinahanglan sa IATF aron ilhon kon ipakanaug na ba o ipabilin pa gihapon ang Alert Level sa usa ka lugar.

Kini nga nahisgutang dokumento, itandi usab sa listahan nga naduso ngadto sa Vaccine Administration System (VAS) aron masubay kon nagtugma ba ang mga records sa LGU.

Agi og dugang giya, aron paghipno ug paglimpyo sa makalibog nga records, matud sa NVOC nga ang mga sobra sa 60 anyos ang edad apan nalista sa Individuals with Comorbidities o trabahante sa esensyal nga sector, kinahanglang adto ilista sa senior citizens. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.