By Rey Anthony Chiu | 04:18 PM December 25, 2021

Kap-atan ug upat (44) ka mga tindahan og supermarkets ang nasakpan sa bahan sa Department of Trade and Industry ug lokal nga Price coordinating Councils nga namaligyag gipatongan ang presyo labaw pa sa gilansang nga presyo sa palit niini sukad Disyembre 21.

Ang 42 mao pay nauna nga gipadayag samtang ang DTI nagpadala na og show cause orders sa mga malapason aron usab makapasabot ngano nga namaligya sila og mahal kay sa standard retail price.

Posible nga may madugang pa niini, pahayag sa DTI, samtang wala pa makaabut sa buhatan ang ubang taho.

Gipagawas sa DTI ang price freeze order alang sa mga ng una nga paliton sa mgabRehiyon 4B, 6, 7, 10 ug 13 human kining nga nahisgutang lugar gipailawom sa state or emergency o calamity.

Ang price freeeze, subay usab sa Fair Trade Laws.

Sa laing bahin, nagpaabut ang kadaghanan nga madakpan na usab ang mga nagpatpng og dako sa mga gasolina, ilabi na sa panahon sa kalisud.

Gikataho nga sa mgabkalungsuran ilabi na sa mga naigo sa bagyo, miabut na sa tag P150 ang matag litro sa gasolina.

Kini bisan pa man nga ang mga namaligya, walay mga business permits, ug delikado sa sunog ang gibuhat.

Kon mapamatud-an nga sa walay igo nga hinungdan ang pagtaas sa presyo sa ilang gibaligya nga nag-una nga paliton, mahimong moabut sa 1,000,000 ang multa o priso, o knag duha depende sa pagtimbang sa korte. (rahc/PIa7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.