By Rey Anthony Chiu | 07:47 PM December 02, 2021

Sa dili madugay, sugdan na ang pag ayo sa karsada subay sa Calceta eskina Carlos P. Garcia aron kabutangan na og solbad ang pagbaha nga sarang adto paingon sa ubos nga mga bahin sa CPG.

Matud ni District Engineer Godofredo Laga, ang proyekto nga gipundohan sa regular nga Infrastructure sa calendar year 2021 sa General Appropriations Act, apil sa Infrastructure Dessimination Program sa Department of Public Works and Highways (DPWH) 1.

Ang proyekto nga ipatuman duol sa St. Jude Hospital maglangkob man sa pagpahimutang og catch basin ug reinforced concrete pipe culvert sa nahisgutan nga lugar.

Tungod niini, nagkinahanglan kini og pagbungkag sa sementadong dalan, ug di kapugngan nga may kahasol nga masinati ang mga tigmaneho og sakyanan ug mga pasahero.

Hinuon, gilauman nga may mga pag- usob sa dagan sa trapiko subay sa sugyot sa city traffic management office aron mamenosan ang temporaryo nga kahasol.

Gilauman usab nga sundon sa kontraktor ang lanat sa kontrata sa pagtrabaho sa nahisgutang obra, aron mahiuli ang kahapsaysa trapiko sa labing dali nga panahon. (rahc/PIA7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.