By PR | 08:28 PM May 04, 2023
I-parehistro ang SIM aron nga padayon gihapon ang transaksyon sa e-wallet
Wala’y ka matuoran ang nagkatap sa social media nga giingon mamahimo nga mawala ang sulod sa GCash account tungod sa gipatuman nga “update”, subay sa pagtapos sa SIM registration sa nasud karong Hulyo 25.
Giawhag sab sa GCash nga dili kinahanglan mabalaka ang publiko ug i-withdraw ang ilang kwarta sa GCash tungod kay luwas ra gihapon kini sa ilang tagsa-tagsa nga mga account.
Subay niini giawhag sa GCash ug Globe Telecom ang tanan nga mga subscribers nga magparehistro. Kini aron nga mapakgang ang kaso sa mga pagpangilad sa nasud. Kasamtangan miaabot na ngadto sa 79 milyon ka pilipino ang nigamit sa GCash app.
Gawas sab niini, gipasabot sa GCash nga imporatanti gayud nga makaparehistro ang tanan nga mga tiggamitan sa GCash sa ilang tagsa-tagsa nga mga telco provider sa dili pa ang deadline aron nga dili ma-deativate ang ilang numero ug dili magka problema sa pagabli sa ilang e-wallet accounts nga naka rehistro.
Alang sa mga prepaid users sa Globe Telecom, bisitahon lang ang opisyal nga SIM registration website sa https://new.globe.com.ph/simreg aron nga maparehistro ang ilang mga numero.
Alang pud sa mga postpaid users, mamahimo nga mo text sa keyword nga “SIMREG” sa 8080 aron nga makumpirama ang mga impormasyon nga gisumiter sa unang pagpangapply sa Globe postpaid plan.
Aron nga masiguro nga paspas ug dayon dayon ang pagparehistro, siguradohon nga naka andam na ang mga gipangayo sama sa ID ug ang mga impormasyon nga gipangayo. Lakip na niini ang tibuok nga pangalan, adlaw sa pagkatawo, kinatawhan, pinuy-anan, government ID nga gamiton lakip na ang ID number nga nakabutang ug hulagway.
Alang sa mga minor de edad na rehistrado sa GCash Jr. dapat iparehistro sad ang ilang Globe SIM card nga gigamit nga nakapangalan sa ilang ginikanan o di ba kaha sa ilang legal guardian.
Kung gali buot nga ibalhin ang inyong GCash funds sa bag-o nga numero, kinahanglan gihapon mohimo og GCash account nga konektado sa inyong bag-o nga numero ug siguradohon nga kini fully verified. Siguradohon sab nga ang inyong bag-o nga numero nakarehistro sab kini aron sa dali sa pag balhin sa pundo ug paspas ang processo sa GCash account.
Gisiguro hinuon sa GCash nga luwas ang tanan nga mga account ug ang mga sulod niini sa padayon nga pagprocesso sa SIM registration. Buot lang sa telco providers nga marehistro ang tanan nga mga GCash users sa pagpatuman nga SIM registration ug bisan man dili mangayo o makongolekta og dugang personal nga impormasyon pinaagi sa links, text messages ug email.
