By Rey Anthony Chiu, PIA-Bohol | 09:45 PM May 26, 2021
Benliw Ubay Small Reservoir Impounding System (Benliw SRIP) in Ubay, Bohol. Photo: Joseph The Explorer
Tambongan ni National Irrigation Administration (NIA) Senior Deputy Administrator ug retired BGeneral Abrahan Bagasin ang pormal nga pagbalaan, pagputol sa lasos ug pagtukas sa markers lakip na ang seremonyal nga pag-abri sa intake gates sa bag-o nga Benliw Ubay Small Reservoir Impounding System (Benliw SRIP) Mayo 27, 2021, didto mismo sa Benliw Ubay.
Ang kalihukan nga tambongan usab sa dili molapas sa 60 ka mga delegado ug bisita, apilan nila ni Gobernador Arthur Yap, Kongresista Erico Aristotle Aumentado ug Mayor Constantino Reyes sa Ubay, lakip na ang mga opisyales sa NIA-7.
Sa kalihukan, pasugodon sa iyang gimbuhaton pagpangalagad sa gibanabana nga 600 ka mag-uuma nga nanginahaglan sa patubig ang bag-ong Benliw SRIP.
“Mapasigarbohon kami nga mopahibaw kaninyo nga ang Benliw SRIP nahuman na ug andam na nga moalagas segun sa iyang gilaraw nga ikatampo alang sa panguma sa Bohol. Minoon na ang pormal nga seremonyas pagpaagas sa tubig ug pagtugyan niini, karong Mayo 27, 2021,” matud pa ni Engr Wilson M. Lopez, Regional manager sa NIA-7.
Ang Benliw SRIP itugyan na sa NIA-7 pinaagi ni Engr Allan Revita, hepe sa planning, design ug construction management section sa NIA, ni Senior Deputy Administrator Bagasin, ni Engr. Wilson M. Lopez, kinsa maoy regional director sa NIA 7, ni Engr Orencio Apale ang acting Division Manager sa Engineering and Operations ug Engr. Evelina Putong, hepe sa Operations, Institutional Development ug Equipment Management Section.
Ang Benliw SRIP, nagkuha sa iyang tubig gikan sa Pasanan Creek ug gilaraw nga moalagad sa Benliw, Imelda, Biabas, Cagting ug Sinandigan, tanan sa lungsod sa Ubay.
Gawas sa patubig sa mga lapad nga kabasakan sa Ubay, ang Benliw SRIP gilantawan usab nga lugar alang sa aquaculture samtang magpugong sa pagkabanlas sa yuta nga karon gipatag na.
Benliw Ubay Small Reservoir Impounding System (Benliw SRIP) in Ubay, Bohol. Photo: Joseph The Explorer
Gikan sa daan nga Pasanan Creek, ang Benliw Dam mipasaka sa 34.28 metros sa tubig nga iyang makolekta ug kaya niini nga mopundo sa 2.668 million cubic meters nga mosanap sa kalapdon nga 47.34 ektaryas.
Gisudan pinaagi sa groundbreaking niadtong 2017, ang Benliw SRIP lakip sa tulo ka major irrigation projects nga gipasugdan ni Presidente Duterte.
Kauban kini sa Cayacay-Mabini SRIP ug sa Bonotbonot SRIP sa Buenavista.
Ang Benliw SRIP nagkantidad og P646,000,000.00. (rahchiu/PIA-7/Bohol)
