BOHOL WEATHER

Bohol Island News

Your source of reliable news and content in the island.

Col Cabal: Ibalik ang garbo sa pamulis pinaagi sa ‘DEBOLD’

By: Rey Anthony Chiu/PIA-Bohol| 01:52 AM September 12, 2019
pp1
PMFC/SWAT Ubay Forward Deployment Base, led by PSMS Aquiles Cabando, under the supervision of PLTCOL ISMAEL C. GAUNA, coordinated to this station for the conduct of mobile patrolling and pro-active security patrol at Barangay San Roque and Zamora, Talibon, Bohol. Photo: PMFC BOHOL PPO

Kampanya aron ikabalik ang garbo sa bisti sa pamulis.

Kini maoy kinatibuk-an nga latid sa programa ni Police Colonel Jonathan Cabal, Acting Provincial Director sa Bohol Police Provincial Office, dihang iyang namatikdan ang nagsaka nga kriminalidad bisan pa nga kini gamay ra kon itandi sa kinatibuk-an nga populasyon sa Bohol.

Ug alang kang Col. Cabal, kining tanan nasulod sa iyang namugna nga Operational Plan Developing and Empowering Bohol Police through Leadership and Discipline (OPLAN DEBOLD).

pp3.jpg
Alang kang Cabal, kinahanglan ang pulis mapasigarbohon nga magsul-ob sa iyang uniporme ug magbuhat taman sa iyang katapusang mahimo aron makahatag og kabag-ohan sa kinabuhi sa ubang tawo.

Basta pulis ka, lider ka, mao nga imong angay paningkamotan nga mamahimo ka permi nga leader pinaagi sa pagpakita nga ikaw may pagbati ug uban kanila, sugyot ni Col. Cabal didto sa Kapihan sa PIA.

Angayan nga masabtan og balik sa mga kapulisan nga kanunay gyud nilang isipon ang tanan higayon nga kahigayunan sa pagserbisyo.

Niini, gipasabut sa Police Provincial Director nga kanhi Logistics Director sa PNP-7 nga kinahanglang modu-ol ang pulis ngadto sa mga kabataan nga dagko og tsansa nga mamahimong badlongon sa katilingban, samtang bata pa.

pp4
Wala man tukbila sa batid nga intelligence officer kon unsa ang iyang panglantaw sa kapulisan karon, iyang gipadayag nga kinahanglan na gayud ang kausaban sa kinaiya sa kapulisan.

Usa sa iyang gitumbok ang kakuwang sa inisyatiba sa mga kapulisan.

Matud niya, sa dihang iyang gi-audit ang performance sa kapulisan, nakita niya nga dagway og may kuwang kon itandi sa kapulisan sa ubang dapit.

“Gusto ko nga may kompetisyon, gusto ko nga ang akong kapulisan magtrabaho sa ilang labing maayong mabuhat,” saysay sa opisyal.

Maghimo ang Rehiyon sa pag-grado sa mga kapulisan, mao nga akong andamon ang akong kapulisan ug anadon sa paghimo og maayong accomplishments, sa paghimo og maayong mga operasyon nga may maayo usab nga ikaabag pagpakunhod sa kriminalidad, dugang pa niya.

Tungod niini, prayoridad sa liderato ni Col Cabal ang pagpapermi sa pagpatrolya samtang ipadayon ang Synchronized Enhanced Management of Police Operations (SEMPO).

Kona ng pagpatrolya magpalapad sa police visibility ilabi na sa mga lugar nga tag-as ang krimen, ang pagpatrolya mas mayo pa nga magpugong sa pagkahitabo sa krimen kay sa maggukod na hinuon sa kriminal.

Sa laing bahin, matud ni Col Cabal, ang SEMPO magpataas sa kompetisyon nga magpamaayo pa sa accomplishments sa matag usa.

Leave a Reply

This site uses Akismet to reduce spam. Learn how your comment data is processed.

%d bloggers like this: