BOHOL WEATHER

Bohol Island News

Your source of reliable news and content in the island.

Mas barato nga fastcraft nagbiyahe na sa Tagbilaran paingon sa Cebu

Sa pletehan nga mas ubos kay sa kasagaran apan sa kaanindot, ka moderno ug kalimpyo, ubanan pa sa di hingtupngan nga pasilidad, gihanyag sa Island Water Shogun Shipping ang ilang duha kabarko nga catamaran isip pili-anan sa kasakyan alang sa ruta nga Cebu-Tagbilaran-Cebu.

Gamay apan hayahay, ang mga bag-o nga barko sa Island Waters may mas barato nga pletehan nga magtanyag sa mgaBol-anon sa kahamugaway nga dili kinahanglan pang mahal. Photo by Rey Anthony Chiu/PIA-Bohol

Kompetensya sa nahiluna na nga OceanJet ug Supercat, ang mga barko sa Island Waters nga MV Island Biriug MV Island Calayan, pareho nga catamaran ang desinyo ug may katas-on nga 29 metros ug may labing kusog nga dagan nga naasa 18 ka knots.

Hinay man og dyutay sa iyang kompetensya nga mga fastcrafts, ang Island Waters nagtumong nga motanyag sa mga nananakay sa kasinati-an sa kahamugaway ug pagpalabay sa de-kalidad nga oras sama sa cruise speeds.

Ang kinatibuk-an nga byahesa Island Waters nga mga barko, moabut sa 2 ka oras ug 15 minutos, mga kinse minutos nga langay kay sa mas paspas nga mga fastcraft sa nahisgutan nga ruta.

Apan, matud pa ni Trisha dela Pena didto sa Press Conference luwan sa nahisgutan nga barko, buot nila nga ipatagamtam sa mga sumasakay angkasinati-an nga sama sa cruise: hinay apan de kalidad nga oras, ug wala nay lain pang gi-apas apan kasinati-an sa kahamugaway.

Gidesinyo sa ilang chairman sa kompanya, ang mga bag-ong barko napadagan sa duha ka dagko nga Cummins diesel engines nga may halos 2,000 ka horsepower sa iyang gikusgon nga 18 ka knots.

Gawas pa, ang mga barko sa Island Waters may mas luag nga mga lingkoranan nga panit, may limpyo nga mga restrooms, pulos airconditioned nga mga cabins ug may maabi abihon nga mga tripulante ug mga opisyal sa byahe.

May onboard snack bar usab kini samtang ang ilang luggage storage, naa sa sulod sa barko aron mapaneguro nga walay gamit sa pasahero nga mabasa o masabligan sa tubig dagat.

Nagtanyag sa duha ka accommodations: ang Island Waters nga mga barko may Premium Economy nga tag P475 ug Business VIP nga naa sa tag P675 ang usa ka byahe, may libre nga kape, WIFI ug movie streaming.

Ang Island Biro mokarga og 160 ka pasahero lamang samtang ang Island Calayan makakarga og 162 ka pasahero, segun pa ni dela Pena.

Gikatakda nga mobalhin na gayud sa Pier 1 alang sa permanente nga dunggu-anan, ang Island Waters tua pa magagikansa Pier 3.

Hinuon, may barker sila nga tua sa gawas sa Pier 1 ug mga libre sila nga shuttle gikan sa Pier 1 ngadto sa Pier 3, aron may makagiya samtang wala pa sila makabalhin. Report ni Rey Anthony Chiu-PIA Bohol

Leave a Reply

This site uses Akismet to reduce spam. Learn how your comment data is processed.

%d bloggers like this: