By PIA-Bohol | 07:00 PM October 19, 2026
TAGBILARAN CITY, Bohol—Kon nakalahutay ang Bohol sa taas nga lanat sa ting-init niadtong mi-aging buwan, matud Philippine Atmospheric Geophysical and Astronomical Services Administration (Pagasa), dili pa kadto mao.
Didto sa Kapihan sa PIA, gibutyag ni weather forecaster sa Pagasa, Engr Leonard Samar nga subay sa El Niño Advisory nga gipagawas niadtong Oktubre 7, 2026, gibutyag nga may mas grabe pa nga mahitabo kay sa naagi-an niadtong Septembre.
Kahinumduman nga misugod og panggawas ang mga hulagway sa mga nanglutak ngamga kabasakan niadtong Septembre, samtang gitaho sa Office of the Provincial Agriculturist nga hapin na molapas sa P200 milyones ang kadaut sa humayan ug mgacrops, dala sa huwaw.
Sa Pagasa El Niño Advisory, matud sa weather bureau nga namatikdan na angkusoog ngadto sa labing kusog nga El Niño sa Pacipiko, ug kini molanat pa ngadto sa 2027 samtang mosapong sa iyang labing init nga sitwasyon sa dili pa motapos ang 2026.
Subay usab sa nagkadaiyang climate models ug mga pagbanabana sa mga eksperto, gidason ni Samar nga parehas ang panglantaw: mas mokusog pa ang kainit sa dili pa motapos ang 2026.
Sa gipakita nga 6 ka buwan nga Climate Outlook sa Pagasa, sa Oktubre, masinati pa ang duol sa normal nga kadaghanon sa uwan, apan ingi tungtong sa Nobyembre, ubossa normal na ang masinati sa Bohol.
Ang ubos sa normal nagpasabut sa gikan sa 20 porsyento ngadto sa 60 porsyento ang pagkawala sa uwan kon itandi sa normal nga panahon.
Pagka Disyembre, matud ni Samar, mas mograbe pa kay ubos pa gayud sa dili normal ang pagkawala sa uwan.
Niini, sobra sa 60 porsyento ngadto na sa 100 nga uwan ang dili na masinati.
Nanawagan usab ang Pagasa sa katawhan nga magpabilin nga maniid ugmagpakisayud sa kahimtang sa panahon, gikan sa Pagasa. (PIABohol)
