By PIA-Bohol | 04:55 PM March 10, 2026
TAGBILARAN CITY, Bohol —Gihagit karon ang katawhan nga moduso og reklamo ngadto sa Department of Energy (DOE) kalabut sa kalit nga sobrang pagsaka sa presyo sa gasoline ug krudo, taliwa sa nagpadayong krisis sa tungatungang sidlakan.
Kini human nasinati ang dinagko nga paglukso sa presyo sa gasoline nga wala matunong sa sagad nga eskedyol sa monitoring sa DOE matag Martes, subay sa Downstream Oil Industry Deregulation Act of 1998.
Sa usa ka pahayag, si DOE secretary Sharon Garin mibutyag nga human makapatuman sa unang pagsaka sa presyo niadtong Martes, hangtud sa sunod Martes pa usab nga makapasaka sa presyo, subay sa adjustment cycle.
Niini, walay paglihok sa presyo nga mahitabo, kay kon duna man, us aka kini ka violation nga angay imbestigahon sa DOE.
Dugang ni Garin, samtang magpabilin nga magmonitor ang mga tinugyanan sa kapin kon kilang 14,000 ka mga gasoline stations sa tibuok nasud, giawhag niini ang katawhan sa pagtabang pinaagi sa pagsumbong sa bisan hain mang gaslinine station ang namatikdang nagpasaka sa presyo nga wala sa saktong higayon, ug namaligya og sobra sa gitugot.
Ang pagtipig sa gasoline aron ikabaligya sa mas mahal nga presyo ug ang pagpasobra sa presyo niini ilabi na sa nagsaka-kanaug nga presyo sa kompra, supak sa balaod ug mataral sa kaso nga economic sabotage.
Sa mga presyo dinhi sa Bohol, sa krudo, labing barato ang Petron mahal sa tag 60.00 ang litro samgang sa Caltex ang labing mahal sa tag 65.95 ang litro, segun sa us aka pamantalaan.
Sa gasolina, kinabaratohan sa unleaded gihapon ang Petron sa tag P59.26 samtang Caltex ang kinamahalan sa tag P65.95.
Nunot niini, nanawgan usab ang us aka netizen sa pagpasaka og sumbong ngadto sa DOE pinaagi sa lokla nga Price Coordinating Council.
Pinaagi ni Judge Jennifer Chavez-Marcos, iyang giaghat ang mga the civic groups ug concerned citizens nga mosuwat aron pukawon ang the Price Coordinating Councils nga maghimo na sa ilang trabaho. (PIABohol)
