By PIA-Bohol | 08:14 PM February 12, 2026
TAGBILARAN CITY, Bohol—Gipakauwawan pagpaningil sa napalta o wala mabayri nga utang sa lending o credit company, ug gihulga, gipangtawagan ang mga higala nga walay apil sa kontrata isip co-maker ug dili na propesyonal nga pamaagi sa pagpaningil?
Dili kana pwede, matud pa sa Securities and Exchange Commission (SEC) sa usa ka desisyon nga sa pagkastigo sa Global Dominion tungod sa dili na makatarunganon nga pagpaningil.
Sa usa ka mandu nga gipagawas niadtong Enero 28, ang SEC Financing and Lending Companies Department (FLCD) mihukom nga ang Global Dominion nakalapas sa Section 1 (A), (B), ug (H) sa SEC Memorandum Circular (MC) No. 18, Series of 2019, ug Section 4.4(A), (B), (H), apil na ang (I) sa implementing rules and regulations sa Republic Act No. 11765, o ang Financial Products and Services Consumer Protection Act (FCPA).
Segun sa MC 18 ug sa FCPA, ang pagpanghulga ug pagpaka-uwaw, pag-insulto ug pagbalikas aron abusohon ang nangutang, pagpanawag sa mga kaila sa nangutang gikan sa iyang phone-list gawas lamag sa mga miapil paggarantiya sa nangutang, naglangkob na sa dili makatarunganon nga pagpaningil.
Usa ka reklamo ang nadawat sa SEC gikan sa usa ka nangutang kinsa mipasangil nga dili na makatarunganon ang pagpaningil sa mga ahente sa third-party collection firm, human may napalta og bayad.
Lakip sa gireklamo ang sugaton sa dalan aron mapaninglan, magpadala og daghang text messages dalang panghulga kon dili mobayad.
Segun pa sa FLCD, kon walay mandu gikan sa korte, illegal ang pagsugat sa dalan aron paninglan, kay kini may posibilidad gayud nga mahulga ang tawo.
Tungod niini, gimultahan sisp administrative fine ang Global Dominion sa P50,000 ug gibaharaan nga dili na usbon ang sayop nga bansay aron dili na magrabehan pa ang multa, o masuspenso ug mabawi ang certificate of authority niini.
Bisan sa paggamit sa laing kompanya nga maoy maningil, dili makapanghunaw ang Gobal Dominion, matud sa FCLD. (PIABohol)
