By PR | 07:17 PM June 02, 2025
Valencia, Bohol — Patay ang usa ka babaye human kini patya sa iyang ka-live inpartner samtang kini natulog, matud sa Valencia Police Station.
Niadtong alas 5:30 sa buntag sa Mayo 30, 2025, nadawat sa buhatan sa Valencia Police Station ang usa ka tawag gikan kang Romulo Gamale, Barangay Secretary sa Brgy. Botong, Valencia, Bohol, nga nagreport sa usa ka insidente sa panunod nga nahitabo sa Purok 7 sa maong barangay.
Sa dihang nadawat ang maong report, ang mga personalidad sa Valencia PNP midali ug responde sa lugar sa insidente. Pag-abot sa mga kapulisan sa maong lugar, nasayran nga ang suspetsado nga 47 anyos usa ka mag-uuma ug residente sa Purok 7, Brgy. Botong, mi-surrender na sa mga barangay opisyal nga gipangulohan ni Brgy. Captain Eli Dalde ug dayon g-turnover sa mga kapulisan sa Valencia PNP. Sa maong higayon, ang lawas sa biktima nagpabilin pa sa crime scene.
Gipangulohan ni PCMS Jhon Rey Ubanan ug duty investigator PMSg Renie Neneria ang imbestigasyon sa lugar sa krimen. Didto nila nakaplagan ang walay kinabuhi nga lawas sa biktima usa ka 33 anyos nga ka live-in sa suspetsado.
Sa inisyal nga imbestigasyon, base sa pahayag sa ilang 11-anyos nga anak nga nakasaksi sa maong panghitabo, ang suspetsado (nga amahan sa bata) nagpakita og kakulba ug wala katulog. Kalit lang kini nga midunggab sa dughan sa biktima gamit ang usa ka bolo nga adunay estimated nga gitas-on nga 16½ pulgadas lakip ang handle. Ang biktima misulay og panalipod apan gi dunggab pag-usab nga hinungdan sa iyang dihang-dayong kamatayon.
Sa alas 7:34 sa buntag, gimando sa attending physician nga si Dr. Roseanne Erika Loquellano, Municipal Health Officer (MHO), nga patay na ang biktima. Base sa medikal nga findings, ang hinungdan sa kamatayon mao ang Severe Haemorrhage secondary to Multiple Stab Wounds.
Karon, ang suspetsado gidala na sa Valencia Police Station alang sa tukmang disposisyon ug legal nga proseso.
