By PIA-Bohol | 08:35 PM April 04, 2025
Kasiyaman ug pito sa mga Bol-anon nga napangutana ug nakaapil sa siyentipiko nga Holy Name University (HNU) Bohol Polls 2025 ang mipadayag nga wala na sila makakita pa og mga armado nga mga tawo o kadtong giila nila nga mga rebelde sa ilang mga lugar.
Matud ni Director of the Center for Research and Publications sa HNU Professor Jaremilleta Arawiran, nga sa naandan nga Bohol Polls ug karon nga polling alang sa 2025, gipili sa random sampling sa survey team sa HNU ang mag respondents.
May tag 100 ka mga tawo sa matag Distrito ug lain pang 100 gikan sa Tagbilaran maoy molangkob sa 400 ka mga Bol-anon ang respondents sa survey.
Sa survey nga adunay margin of error alang sa Bohol nga +/-5, sa +/-7 sa District 1 ug +/-10 sa Tagbilaran City, District 2 ug District 3, napakita usab nga kini nga saysay sa pagkahanaw na sa mga rebelde, namatikdan na usab sa miaging regular rounds sa HNU Bohol Polls.
Kini usab nagpamatuod nga malampuson ang programa nga pagpang-bugno sa insurhensya sa Bohol, ug sukad sa 2010 diha nga gideklara sa Office of the Presidential Assistant on Peace Process (OPAPP) niadtong Pebrero 10, 2010, Nabawi na sa mga Bol-anon ang paggunit sa mga rebelde sa mga barangay nga ilang gihadlok.
Ang Bohol kaniadto, ubos ni kanhi gobernador Erico Boyles Aumentado, nagpasugod sa seryoso nga kampanya sa pagpakunhod sa kawad-on pinaagi sa pagpasugod sa mga trabaho ug pagpangampanya sa puhunan nga mosulod sa Bohol.
Ang kampanya sa pagbuntog sa kawad-on isip gamhanang himan sa pagbuntog sa insurhensya, napamatud-an na usab ni National task Force Ending Local Communist Armed Conflict Executive director retired general Eduardo Torres Jr.
Si General Torres mingduso sa kasinati-ans a Bohol isip iyang final paper sa Defense College didto sas America, aron ipadayag ang malampusong programa. (PIABOhol)
