By PIA-Bohol | 07:25 PM April 03, 2025
Gilantaw sa Department of Agrarian Reform (DAR) nga mas makahimo na ang ilang mga empleyado nga nagpatuman sa Agrarian Reform ilabi na sa paghubad sa nagulgot nga mga buruka sa nagsaw-id ug mga nagsaylo nga mga yuta nga gikatugyan sa ahensya ngadto sa mga mag-uuma.
Kini human malampuson nga gitapos sa DAR Bohol ang us aka workshop nga nagtutok sa paghubad ug p[agpahapsay sa mga nagpadayon nga nagsaw-id ug nagsaylo nga mga yuta nga gibahig na isip yutang agricultural.
Tumong sa workshop ang paghatag sa nga partisipante nga nga sakop sa DAR sa gikinahanglan nga mga kasayuran, balaod, ug nga tamdanan nga sundon sa higayon nga may mga mahibagatan nga mga suliran sa mga yuta nga nag-saw-id.
Mismo si DAR Regional Office Regional Environment and Social Safeguards Specialist Jose Mari Espenido ug representatnte sa DENR-CENRO Tagbilaran nga si Albert R. Tulang, ug Norman A. Manungol, JD ang nagpuli og padayag sa mga solusyon nga ikatanyag ngadto sa mga reklamante sa mga yuta nga nag-saw-id.
Pinaagi usab sa workshop, napakita ang kamahinungdanon sa tinabangay sa DAR ug DENR-CENRO Tagbilaran,ilabi na sa katuyuan nga gamhan ang mga mingsalmot sa workshop sa mga himan ug kagamitan sa pagpahapsay sa mga buruka sa yuta nga kon mapahiluna nag sakto, mahimo nga may daku nga ikatampo alang sa kalampusan sa Agrarian Reform Program sa Bohol.
Gawas nila ni Espenido sa DAR Regional Office VII, si Provincial Agrarian Reform Program Officer II Ronald I. Pumatong, Ph. D., OIC PARPO I Jennett R. Oporto, MPA, CARPO Land Tenure Improvement Division chief Engr. Leonard V. Cagapang, ug Chief Legal Division Atty. James Horace A. Balonda, ang workshop gitambongan sa mga opisyales sa DAR Support to Parcelization of Lands for Individual Titling ug mga trabahante nga nagpatuman niini, matud ni PARPO Pumatong. (PIABohol)
