By Bohol Provincial Police Office| 06:50 PM February 01, 2025
Para sa kasayuran sa tanan, among gustong ipahibalo nga ang Facebook post nga gipagawas sa Bohol Daily Balita og Bisu Confession nga nag-ingon nga adunay van sa Bohol nga manguha og bata kay usa ka fake news o bakak nga balita.
Pinaagi sa pagpanghimatuud sa mga awtoridad, wala’y konkretong ebidensya nga nagpakita nga tinuod kini nga panghitabo. Ang maong impormasyon usa ka wala’y basehang pasangil nga makahatag og kahadlok ug kakulba sa katawhan.
Gina-awhag namo ang tanan nga magpabiling mapanid-anon ug responsable sa pagpakaylap og impormasyon sa social media. Palihug pagsalig lamang sa opisyal nga mga tinubdan sama sa kapulisan ug lokal nga kagamhanan. Kung adunay mga kahasol o kaduda-dudang kalihokan, palihug ipahibalo dayon sa kapulisan aron matuki ug maaksiyunan sa husto nga paagi.
Dili nato tugotan nga ang fake news mopakatap. Magtinabangay kita sa pagpabilin sa kalinaw ug kasiguruhan sa atong probinsya.
Para sa dugang kasayuran, palihug kontaka ang imong lokal nga awtoridad o bisitaha ang ilang opisyal nga social media pages.
